Նազենի Հովհաննիսյանը բացահայտել է իր ընտանիքի անդամների «շարժիչ ուժը»

Նազենի Հովհաննիսյանը բացահայտել է իր ընտանիքի անդամների «շարժիչ ուժը»: Instagram-ի իր էջում 35-ամյա դերասանուհին հերթական լուսանկարն է հրապարակել, որին կից գրել է.

«Եվ բոլորովին էլ պետք չէ լինել ագրեսիվ կամ առնական՝ ուժեղ թվալու համար, պետք չէ լինել տրտում դեմքով, եթե անգամ ներսումդ մեծ ցավ կա, թեև,,,միևնույն է աչքերդ կմատնեն քեզ. կարևորը Հավաք լինելն է, կյանքն ինչպիսին էլ որ լինի՝ շարունակվելու է, մեզ հետ թե առանց մեզ, ուրեմն քանի կանք՝ պիտի փորձենք ավելի արժանապատիվ, մտածված ու որակով ապրել։

Հ.Գ. Հորս համար որակը՝ իր այգին փորել ու մշակելն է, ծառերը խնամելը։
Քրոջս համար՝ հասնել ու օգնել բոլորին, մեր մեծ ազգի բոլոր մարդկանց։
Քեռուս՝ Աշոտի համար, իր դպրոցների երեխաների համար արժանապատիվ կրթություն և ապագա ապահովելն է, շփումը նրանց հետ, անընդհատ ու կենդանի շփումը,,, Որակներն ու չափանիշները տարբեր են, կարևորը գտնել շարժիչ ուժը»,- գրել է նա:

 

Публикация от Nazeni Hovhannisyan (@nazenihovhannisyan) 3 Апр 2018 в 11:02 PDT