Ինչո՞ւ են ՀՀԿ-ականները բարձր գնահատում Էդմոն Մարուքյանի դիրքորոշումը. Տեսանյութ

Փաշինյանի ու Մարուքյանի վեճին խառնվեցին նաև ՀՀԿ- ականները: Ու թեև Շարմազանովը խորամանկորեն խուսափեց ուղակի վեճի մեջ մտնել, նրա գործնկեր Գագիկ Մելիքյանը չթաքցրեց իր հիացմունքը առ Մարուքյան: Նա հաճելիորեն զարմացած էր Մարուքյանի տեսակետներից և անընդհատ նշում էր, թե հենց այդպիսին պետք է լինի իր բնորոշմամբ «իսկական ընդդիմադիրը»:

Շարմազանովն էլ իր հերթին թեև անընդհունելի համարեց Մարուքյանի պահանջների չափը, սակայն ցինիկաբար նշեց, որ նա ճիշտ ուղու վրա է, և 5 տարի անց նույնիսկ «կարելի է քննարկել» նրա ներկայիս առաջարկները: Այսպիսով, կարող ենք արձանագրել, որ նույնիսկ ՀՀԿ-ականներն են «գնահատել» Մարուքյանի «կոնստրուկտիվ մտքերը» ներկայիս ընդդիմության դերի մասին և դա նրանք «բացահայտեցին» ընտրություններից ընդհամենը մեկ տարի անց: Իսկ օրինակ Գեղամյանը կարողացավ 5 տարի պահել իր «ընդդիմադիր» ռենոմեն և միայն 2008-ին բացահայտեց իր իրական ով լինելը:

Սա է իրականությունը:

Արտակ Հակոբյան