Փչացած շարժասանդուղքը կլանել է մարդուն Ստամբուլի մետրոյում. Տեսանյութ

Ստամբուլի մետրոյում տղամարդն ընկել է շարքից դուրս եկած շարժասանդուղքի մեջ: 

The Daily Mail-ը հրապարակել է տեսանյութեր և լուսանկարներ այդ միջադեպից:

Նշվում է, որ միջադեպը տեղի է ուենցել մետրոյի «Այազաղա» կայարանում: Մարդիկ գետնանցում են իջել անսարք շարժասանդուղքով:

Մի պահ շարժասանդուղքը սկսել է աշխատել, սակայն անսարքության պատճառով դրա վրա գտնվող մարդիկ ընկել են: Մարդկանցից մեկը փորձել է բռնվել և կանգնած մնալ, սակայն ընկել է կառույցի մեջ, քանի որ դրա մի քանի աստիճանները պարզապես բացակայել են:

Մեկ ժամ տևած փրկարարական աշխատանքներից հետո հաջողվել է տուժածին տեղափոխել հիվանդանոց: Հաղորդվել է, որ նրա կյանքին վտանգ չի սպառնում: 

Լրատվամիջոցները հայտնում են, որ փչացած շարժասանդուղքի դիմաց նախազգուշացնող նշան է եղել տեղադրված, սակայն մարդիկ ուշադրություն չեն դարձրել դրան:

">