Դոնալդ Թրամպի վտանգավոր ուղերձը Սերժ Սարգսյանին

ԱՄՆ ներկայիս նախագահը, ի հեճուկս հայկական լոբիստական շրջանակների, փաստացի մերժեց Հայաստանին ամենամյա օգնություն տրամադրել, ինչը աննախադեպ որոշում կարելի է համարել: Նշենք, որ օրինակ հարևան Վրաստանը կստանա 105 մլն դոլար, Ուկրայինան՝ 421 մլն: Իսկ ահա Հայաստանը… զրո: Սա Հայաստանի կողմից վարած անհասկանալի քաղաքականության արդյունքն էր:

Գործող նախագահի անհաջողությունները երկրի արտաքին ոլորտում շարունակվում են և չի բացառվում, որ այս որոշումը վերջինը չլինի:

Ինչո՞ւ նախորդների հանդեպ այսքան կոշտ չէին վարվում, կհարցնի շարքային ընթերցողը:

Բանը կայանում է նրանում, որ նախորդները վարում էին քիչ թե շատ կանխատեսելի քաղաքականություն: Բոլորն էլ հասկանում էին Երևանի կախվածության չափը Մոսկվայից և ըմբռնումով էին ընդունում դա, պայմանով, որ այլ հարցերում Հայաստանը վարեր ավելի անկախ քաղաքականություն: Ներկայիս նախագահի կողմից ընդհանրապես կանխատեսելի քաղաքականություն գոյություն չունի: Սերժ Սարգսյանի քաղաքականությունը կրում է բացառապես արարողակարգային բնույթ: Գործող նախագահը չի հասկանում համաշխարհային օրակարգերի տարբերության նրբությունները: Օրինակ, ի՞նչն էր խանգարում Հայաստանին Երուսաղեմի հարցում ավելի նուրբ դիրքորոշում ունենալ: Ոչինչ, պարզապես Երևանում այդպիսի մթնոլորտ չկա՝ լուրջ քննարկել նման խնդիրները: Այսօրվա Բաղրամյան 26-ի ներքին ու արտաքին քաղաքականությունը հիմնված է երկու սկզբունքի վրա՝ ինտրինգների ու արարողակարգային քայլերի: Հայաստանը դարձել է ձևական պետություն: Դրա համար էլ մեզ արհամարելու են բոլորը, և Մոսկվան և Վաշինգտոնը. սա է իրականությունը:

Արտակ Հակոբյան