Թրամփ. ՆԱՏՕ անդամները պետք է ազնիվ ու ամբողջապես կատարեն իրենց ֆինանսական պարտականությունները (տեսանյութ)

Ամերիկյան վարչակազմի ՆԱՏՕ-ի քննադատությունը չի նշանակում, որ չի աջակցում նրան: Պարզապես ցանկանում է, որ դաշինքի բոլոր մասնակիցները կատարեն անհրաժեշտ ֆինանսական պարտավորությունները: Այս մասին հայտարարեց Դոնալդ Թրամփը Ֆլորիդայի ռազմակայանում ելույթի ժամանակ:

«Ամերիկան պաշտպանում և կպաշտպանի բոլորին, ով կանգնած է ազատության համար: Մենք ձեզ հետ ենք ամեն ժամ, ամեն օր: Այսօր և միշտ: Բայց դա նաև նշանակում է, որ մեր դաշնակիցները պետք է իրենց ներդրումն էլ ունենան: Մենք աջակցում ենք ՆԱՏՕ-ին: Մենք միայն խնդրում ենք, որ ՆԱՏՕ բոլոր անդամները ազնիվ և ամբողջապես կատարեն իրենց ֆինանսական պարտավորությունները: Որոնք շատերի կողմից չի կատարվում», - ասաց Թրամփը:

Թրամփը նաև նշեց, որ Միացյալ Նահանգները կանեն ամեն հնարավորը աշխարհն ահաբեկչությունից ազատելու համար, և զինվորականներին խոստացավ, որ կավելացնի ամերիկյան բանակի ֆինանսավորումը: Այսօրվա դրությամբ ԱՄՆ ռազմական բյուջեն կազմում է 600 մլրդ դոլար: Այդ ցուցանիշով ԱՄՆ առաջատարն է ողջ աշխարհում, հիշեցնում է «Россия 24»-ը:

Zham.am