Жмемся мы друг дружке чтоб теплее стало (Տեսանյութ)

Երեկ «Ազատությունը» ՀՀԿ-ական Արմեն Աշոտյանին ու նախկին «ընդդիմադիր» Շահնազարյանին իբր «բանավեճի էր» հրավիրել ապագա վարչապետի հարցը քննարկելու համար: Թե այս բանավեճը, և թե մասնակիցների հիմնավորումները տհաճ էին մի քանի առումներով: Եթե Աշոտյանի դիրքորոշումը ինչ - որ չափով հասկանալի էր, ապա Շահնազարյանինը՝ ամոթալի: Այս մարդը ընդամենը տաս տարի առաջ Աշոտյանին և նրա թիմակիցներին անվանում էր «մոնղոլ թաթար», «ավազակապետեր»: Իսկ այսօր ամոթալի ձևով քծնում է նրանց: Այստեղ կասվեր «բա կերածդ կմարսվ՞ի»:

Այնպիսի տպավորություն էր՝ «տեր ու ծառայի» մոնոլոգի ենք մասնակցում: Փաստորեն, ստացվում է, որ Հայաստանում նույնիսկ «մոնղոլ թաթարների» ու «թուրքերի» միջև կարող է երկխոսություն առաջանալ: Փաստորեն ստացվում է, որ Հայաստանում անբարոյականության դոզան այսօր այնքան մեծ չափերի է հասել, որ այլևս քաղաքագիտական նորմերը չեն աշխատում:

Դավիթ Մկրտչյան