Ինչու է Սերժ Սարգսյանը խիստ անհանգստացած Նիկոլի պահվածքով

Վերջին զարգացումները «Ելք» դաշինքի շուրջ ցույց են տալիս, որ Բաղրամյան 26-ը լուրջ մտահոգված է Նիկոլի ապագա ծրագրերի վերաբերյալ: Անշուշտ, մտահոգության պատճառը Նիկոլի անձը չէ, այլ այն, որ նրա «փողոցային» գործընթացների արդյունքում, կարող է ինքնահոս ալիք բարձրանալ՝ կապված Սերժ Սարգսյանի ապագա վարչապետության հետ: Այդ մտավախությունը կար նաև գործող նախագահի վերջին հարձցազրույցում: Այդ իսկ պատճառով Նիկոլի դեմ կոնսոլիդացված է ողջ իշխանական մեքենան:

Էդմոն Մարուքյանը բացահայտ տարանջատվում է Նիկոլի ապագա քայլերից, ՀՀԿ-ական Վահրամ Բաղդասարյանը անպատվում է Նիկոլին՝ նշելով, որ «հաչող շունը չի կծում»: Վերջապես Նիկոլի դեմ սկսել է աշխատել Սերժ Սարգսյանի ծանր հրետանին՝ 1in am կայքը, խուճապահար հոդվածը հոդվածից հետո գրելով, թե իբր Նիկոլը իր քայլերով դառնալու է «մարգինալ»: Դա այն կայքն էր, որի խմբագիրը պարծենում էր , որ «լողանում է գովազդների մեջ», իսկ անցած տարվա խորհրդարանական ընտրություններից առաջ հատուկ ԱՄՆ էր ուղևորվել՝ քարոզելու նորաստեղծ «Ելք» դաշինքին: Եվ ահա երբ մնացել է Հայաստանի «ադրբեջանացման» վերջին քայլը, նրանք բոլորը սկսել են վախենալ հասարակության անկանխատեսելի արձագանքից: Իսկ վերջին հարցումները ցույց են տալիս, որ Սերժ Սարգսյանի վարչապետությանը դեմ է բնակչության ճնշող մեծամասնությունը:

Ահա թե ինչու գործող նախագահի համար ցանկացած «փողոցային» գործընթաց իր մեջ պարունակում է անկանխատեսելիություն:

Դավիթ Մկրտչյան