Սերգեյ Դանիելյան. Գոհ ենք, որ պետությունը մեզ չի խանգարում (Տեսանյութ)

«Հայաստանի մեղրի որակն անհամեմատ բարձր է տարածաշրջանում, եթե չօգտագործեն քիմիական հավելումներ»,- ասաց Մեղվաբույծների ազգային միության նախագահ Արմեն Նազարյանը:

«Մեր մեղվաբույծների մոտ դեռ չի զարգացել մեղուներին գրագետ բուժելու կուլտուրան: Ինչ դեղ գտնում, տալիս են մեղուներին՝ դրանով նաև վնասելով նրանց: Բայց լավ մեղվաբույծի մեղրի որակը շատ բարձր է այն պատճառով, որ Հայաստանում հիմնական ծաղկատեսակները, որոնցից մեղուները նեկտար են վերցնում, բուժիչ են:
 Մեղվաբուծությունն այստեղ բազմածաղկային է և մեղրի դիաստազային միավորը հասնում է 30-40-ի»:

Դերասան, մեղվաբույծ Սերգեյ Դանիելյանը Հայաստանում մեղվաբուծության համար առանձնացրեց և՜ լավ, և՜ վատ կողմեր: Լավ է այն, որ մեղրի համար եկամտահարկ չկա, իսկ վատ է այն, որ չկա սուբսիդավորում պետության կողմից:

«Գոհ ենք, որ պետությունը մեզ չի խանգարում: Ի՞նչ օգնելու մասին է խոսքը: Իսկ մեղուներին ամենաշատը խանգարում են բջջային կայաններն ու ցանցերը. մեղուն կորցնում է ճանապարհն ու չի կարողանում վերադառնալ փեթակ: Կան նաև մեղուներ, որ փախչում են փեթակներից: Նրանց այդ վարքը հաճախ բացատրել չենք կարողանում»,- ասաց նա:

Սերգեյ Դանիելյանը կասկածի տակ է առնում, թե արդյո՞ք գյուղնախարարությունում ոլորտով զբաղվողներն իրականում հասկանում են իրական խնդիրները: Դերասանը կարեւորում է, որ ոլորտը չի հարկվում, բայց գյուղնախից պետպատվերով տրամադրվող բուժանյութերի ցանկը վերանայել է պետք, սուբսիդավորել՝ ասում է: Որքանո՞վ է արդարացված տեղական մեղրի գինը։ Սերգեյ Դանիելյան:

«Մեզ մոտ գին-որակ շուկան դեռ չի ձեւավորվել: Մեզ մոտ մարդը որ մեղր է գնում, ուղղակի հավատում է մեղվապահի բարեխղճությանը»:

Մանրամասները՝ Zham.am-ի տեսանյութում:

Zham.am