Այսպիսին է Փաշինյանը․ չի հանդուրժում ոչ ընդդիմախոսություն, ոչ ինտելեկտ․ Անժելա Թովմասյան
«Ընդդիմության երեք առաջնորդներ՝ Ռոբերտ Քոչարյան, Սամվել Կարապետյան, Գագիկ Ծառուկյան։ Բացառիկ անձեր։
Ռոբերտ Քոչարյանը Արցախի անկախության կայացման գործում մեծ վաստակ ունեցող մարդ է, ում անունը գրվելու է մեծատառով։ Սամվել Կարապետյանը, ում անունը ևս գրվելու է մեծատառով՝ որպես հայ ժողովրդի ամենամեծ բարերար։ Գագիկ Ծառուկյանը, որին հնարավորություն է տրվել որոշ ոլորտներ կայացնելու, և նա փայլուն իրականացրել է այդ աշխատանքը՝ կայացնելով մի շարք ոլորտներ։
Վերջին երկուսն ունեցել են համագործակցության ճանապարհ, ունեցել են կոմպրոմիս Նիկոլ Փաշինյանի հետ, իսկ առաջինը չի ունեցել։ Բայց երբ ինչ-որ մի պահի նրանք կանգնեցին և ասացին, որ երկիրը հանձնվում է, որ պետք է պայքարել, որ երկիրը սարսափելի ճգնաժամի մեջ է՝ աղետի ու աղքատության մեջ, երեքն էլ քննադատեցին Նիկոլ Փաշինյանին և երեքն էլ արժանացան նույն ճակատագրին։
Այսինքն՝ որևէ նշանակություն չունի՝ համագործակցե՞լ եք, համագործակցո՞ւմ եք, ինչ-որ մի փուլում օգնե՞լ եք, թե՞ ոչ։ Այսպիսին է Նիկոլ Փաշինյանը», — այս մասին այսօր՝ նոյեմբերի 16-ին, «Հայաստանի Հանրապետությունում ժողովրդավարության հետընթացը, քաղաքական հալածանքների ենթարկվող անձանց իրավունքների պաշտպանությունը և իրավական երաշխիքները» թեմայով խորհրդարանական լսումների ժամանակ հայտարարեց hayeli.am կայքի խմբագիր Անժելա Թովմասյանը։
Մանրամասն՝ տեսանյութում։

