Թևանյանի իրական «մեղադրանքը» ընդդիմադիր գործունեությունն է և... վերջ
«Մայր Հայաստան» կուսակցության վարչության անդամ Սոնա Աղեկյանը նկատում է. «Ընդդիմության առաջնորդներից Անդրանիկ Թևանյանի ապօրինի կալանավորման հրահանգով 2026-ի մայիսի 20-ին հավաքական ընդդիմությունը պարտվեց…
Հիմա փաստերով.
Անդրանիկ Թևանյանի գործով վերջին դատական նիստում հետազոտվել է գործի առաջին ապացույցը։ Ըստ մեղադրող կողմի՝ դա այն նիստի սղագրությունն է, որի բովանդակությունը, իբր, փոխանցվել է Թևանյանին։ Սակայն փաստաբանները լրագրողների հետ զրույցում հստակ արձանագրեցին՝ այդ նիստի արձանագրության մեջ որևէ գաղտնի տեղեկություն չի եղել։ Ավելին՝ փաստաթուղթն առհասարակ գաղտնագրված չի եղել։ Այսինքն՝ չկա ո՛չ պետական գաղտնիք, ո՛չ էլ գաղտնիք պարունակող կամ գաղտնագրված փաստաթուղթ։
Հիմա հարց՝ բա ո՞րն է Անդրանիկ Թևանյանի դեմ հարուցված գործի իրական հիմքը։ Ի՞նչն է արդարացնում նրա արդեն մոտ 6 ամիս շարունակվող կալանքը։ Մեղադրանքները հերթով փլուզվում են։ Գործի նյութերի քննությունը չի հաստատում այն պնդումները, որոնց վրա կառուցվել է մեղադրանքը։ Հիմա էլ պարզվում է, որ պետական գաղտնիքի մասին պնդումը փաստաթղթային հիմք չունի։ Ուրեմն ի՞նչ է մնացել։
Մնացել է միայն մեկ հանգամանք՝ Անդրանիկ Թևանյանը ընդդիմադիր քաղաքական գործիչ է, որը չի հրաժարվել իր քաղաքական պայքարից։
Մեղադրանքի հիմքերը չեն հաստատվել, բայց մարդուն, քաղաքական ընդդիմադիր գործչին շարունակել անազատության մեջ պահելը իրավակա՞ն գործընթաց է, թե՝ քաղաքական հաշվեհարդար։
Թևանյանի իրական «մեղադրանքը» ընդդիմադիր գործունեությունն է և ՎԵՐՋ»։
Հետևեք մեզ Facebook-ում