Գլխակեր ռեժիմի ներկայացուցչուհին, հրաժարականի փոխարեն «բացատրություններ» է տալիս

Փաշինյանի 49 տոկոսանոց կառավարության անդամուհին՝ (ԱՆ)«արդարադատության» նախարարուհի Ս.Գալյանը, անդրադառնալով քաղաքական բանտարկյալ ԵԱրսեն Գևորգյանին՝ բանտում մահվան (ինֆարկտի)  հասցնելու խայտառակ ու ողբերգական իրողությանը, ասել է. «Ցավոք սրտի, նման դեպքեր տեղի են ունենում ինչպես ամբողջ աշխարհում, այնպես էլ քրեակատարողական հիմնարկներում»։  

Ինչպես հաղորդում է Panorama.am-ը, աա նշել է, որ Ա. Գևորգյանը ՔԿՀ-ում գտնվելու ընթացքում առողջական խնդիրների մասին չի բարձրաձայել, ինքնազգացողության վատացում չի ունեցել։ 

«Այսօր առավոտյան շուտ բողոքել է ինքնազգացողությունից, ժամը 7.55 բուժակն այցելել է, զննություն է կատարվել, կարճ ժամանակ անց կանչվել է շտապօգնություն, որից հետո արձանագրվել է սրտի կանգ։ 

Ցավակցում եմ մահացածի ընտանիքի անդամներին, հարազատներին, ընկերներին»,- ասաց Գալյանը։

Նա նշեց, որ նախորդ տարվա ընթացքում 20-ից ավելի մահվան դեպք են ունեցել, այս տարի՝ 4 դեպք։

«Այնպես է ստացվում՝ մարդիկ, որոնք ունեն կամ ունենում են առողջական խնդիրներ, երբեմն գտնվում են անազատության մեջ։ Մեղադրե՞լ... Մենք միշտ ասում ենք և ճշմարտությունն այնպիսին է, որ քաղաքական հետապնդումներ չեն իրականացվում»։  

--
Այսինքն՝ փաշինյանական չինովնիկուհու համար մարդուն հանիրավի բանտարկությամբ ու մտացածին մեղադրանքներով բանտ տանելն ու այնտեղ, ըստ էության՝ սպանելը լրիվ նորմալ երևույթ է: 
Հիշեցնենք, որ նախընտրական շրջանում փաշինյանական իշխանությունները մահվան հասցրեցին նաև սովորական մի անձնավորության՝ Արմեն Հովհաննիսյանին, ում ամբողջ մեղքն այն էր, որ տեսեք-տեսեք՝ ՔՊ-ի պաշտամունքի ու երկարպագության առապրկա Նիկոլ Փ.-ի պլակատը պատռել էր: Մարդուն տարան «քաղմաս», հետո՝ հոգեբուժարան, հետո հայտարարեցին, թե՝ ինքնասպան է եղել: Կարճ ասած՝ գլուխը կերան: 
Հիմա՝ համայնքի ղեկավարի ընդդիմադիր թեկնածու Արսեն Գևոմրգյանին հենց միայն ընդդիմադիր լինելու համար կալանավորեցին, փաստացի՝ գլուխը կերան, ու հիմա, այդ ամենի համար անմիջականորեն պատասխանատու նախարարուհին իրեն այնպես է պահում, կարծես ոչ մի արտառոց բան չի եղել: 
Գալյանը, փոխանակ հրաժարական տա, ցինիզմի դրսևորման տպավորություն թողնող «բացատրություններ» է տալիս: