Ինչո՞ւ են աղմկում ադրբեջանցիները ամերիկյան ընտրությունների արդյունքների պատճառով

Ինչպես հայտնի է, ամերիկյան միջանկյալ ընտրությունների արդյունքում Թրամփի թիմը լուրջ պարտություն կրեց:

Հանրապետականները պարտվեցին նույնիսկ այնպիսի նահանգներում, ինչպիսիք են Տեխասն ու Կանզասը, որոնք ավանդաբար համարվում էին հանրապետականների հենարանները:

Նշենք, որ օրինակ, սկսած 1990 թվականից, այդ նահանգներում դեմոկրատները երբեք հաջողության չէին հասնում և նույնիսկ հույսեր չէին ունենում հաղթանակի համար:

Մինչդեռ այս ընտրություններում, նրանք հաղթանակ տարան նույնիսկ հանրապետականների ավանդական ամուր նահանգներում:

Այսօր արդեն գրեթե բոլորն են արձանագրում, որ այս հաղթանակը, ոչ այնքան դեմոկրատներինն էր, որքան՝ Թրամփի պարտությունն էր:

Իսկ վերջինիս պարտության գլխավոր պատճառը մարդկանց կենսամակարդակի իջեցումը եղավ՝ վառելիքի գների կտրուկ բարձրացման պատճառով:

Իսկ  դա  արձանագրվեց բացառապես այն պատճառով, որ Թրամփը հավատաց Իսրայելի վարչապետին և Իրանի դեմ ռազմական գործողություններ իրականացրեց, որի արդյունքում փաստացի փակվեց  Հորմուզի նեղոցը:

Այս փաստն արձանագրեցին ոչ միայն դեմոկրատները, այլև ինքը՝ Թրամփը:

Սակայն հանրապետականների պարտությունը ցավոտ տարավ ոչ միայն Թրամփը, այլև ... Ադրբեջանը:

Բանն այն է, որ այստեղ մտահոգված են, որ դեմոկրատների հաղոջությամբ կարող է կասկածի տակ դրվեն նաև ԱՄՆ-ի և Ադրբեջանի հարաբերությունները, և նույնիսկ՝ ԹՐԻՓՓ-ի ճակատագիրը:

Իսկ որպես մասնավոր օրինակ  ադրբեջանցիները նշում են այն, թե ինչպես Միչիգանի նահանգում հաղթանակ տարավ ԱՄՆ-ի առաջին մահմեդական թեկնածու Աբդուլ Էլ-Սայեդը, ում աջակցում էին ԱՄՆ-ի հայկական կառույցները, որի արդյունքում նա հայտարարեց, որ ընտրվելու դեպքում պահանջելու է, որ վերանայվեն ԱՄՆ-ի և Ադրբեջանի ռազմավարական հարաբերությունները:

Բանն այն է, որ դեմոկրատների թեկնածու Աբդուլ Էլ-Սայեդն առաջին մահմեդականն է, ով ընտրվում է ԱՄՆ-ի օրենսդրական մարմնում:

Նա եգիպտացի է, ով, ըստ իր պատմածի, մեծացել է հայկական միջավայրում և հասկանում է հայերի խնդիրները:

Նաև այդ պատճառով է, որ մերժում է Ադրբեջանի ագրեսիվ պահվածքը կովկասյան տարածաշրջանում:

Ի դեպ, նա նաև քննադատում էր Թրամփին՝ Իրանի և Գազայի հարցերում:

Իսկ ԱՄՆ-ում աճող հակաիսրայելական տրամադրությունները պարարտ հող հանդիսացան նրա հաղթանակի համար:

Սակայն ադրբեջանցիներին միայն այդ գործոնը չի մտահոգել:

Հայամետ թեկնածուները հաղթանակ են տարել նաև այլ նահանգներում:

Սակայն Միչիգանի հաղթանակը առանձնանում է նրանով, որ այն  համարվում է ԱՄՆ-ի այն նահանգներից, որտեղ կարող է վճռվել այդ երկրի նախագահի ճակատագիրը:

Բանն այն է, որ ԱՄՆ-ում կան ավանդական  «հանրապետական»  և «դեմոկրատական» նահագներ:

Սակայն դրանից զատ կան նաև «տատանվող» նահանգներ, որտեղ դժվար է կանխատեսել, թե որ կուսակցության թեկնածուն կհաղթի:

Ամերիկյան դիտորդների կարծիքով, ավանդաբար, ԱՄՆ-ի նախագահական ընտրություններում, հենց այդ նահանգների քվեներն են վճորոշ դեր կատարում:

Միչիգաննը հենց այդ նահանգներից է, որտեղ, հայկական կառույցները ճարպկորեն կարողացել են ազդեցություն ձեռք բերել:

Հենց այդ գործոնն էլ մտահոգում է ադրբեջանցիներին, քանի որ երկու տարի անց, ԱՄՆ-ում անցկացվելու են նախագահական ընտրություններ, որի արդյունքները չեն կարող չազդել նաև մեր տարածաշրջանի վրա:

Սա է իրականությունը:

Արտակ Հակոբյան
Zham.am