Ժողովրդին ուզում են ասել ՝ «նստե՛ք տեղներդ», որ իրենց մութ գործն անեն․ Նարեկ Կարապետյան

« Իշխանությունը Սամվել Կարապետյանին կալանքի տանելով՝ մեր վրա, մեր ժողովրդի ընդդիմադիր հատվածի վրա փորձում են ազդեցություն ունենալ։ Սա ոչ միայն մի մարդու դեմ է, այլ ամենամեծ ընդդիմադիր ուժի առաջնորդի միջոցով  փորձում է Հայաստանի 50 +1 % ընդդիմադիրներին ցույց տալ,որ ինքը կարողանում է երկրում կառավարել իրավիճակը»,- այս մասին հայտարարեց «Ուժեղ Հայաստան» խմբակցության ղեկավար Նարեկ Կարապետյանը։

Նա ընդգծեց, որ  ներկայացնում է Հայաստանի ժողովրդի մեծ մասը, ընդդիմադիր հայերին։

«Մենք ներկայացնում ենք մեր ժողովրդի մեծամասնությունը, որոնց ուզում են ասել ՝ «նստե՛ք տեղներդ», որ ժողովուրդը նստի տեղները, իրանք իրանց մութ գործերը անեն, բայց ժողովուրդը չի նստելու»,- ասաց նա։

Կարապետյանը նաև շեշտեց, որ ամենայն հավանակությամբ Սամվել Կարապետյանին կալանքի կտանեն։

«Վստահ եմ, որ իրենց ծրագիրը ինչպես եկեղեցու, այնպես էլ այս դեպքում, չի՛ աշխատելու։ Ազգային ժողովի պատգամավորները պետք է պինդ լինեն, վստահ լինեն, որ ինչ ասես՝ կարող է լինել»,- ավելացրեց Կարապետյանը։
Աղբյուրներ՝ Panorama.am , News.am