Պուտինը պատրաստվում է փոխե՞լ Մեդվեդևին վարչապետի պաշտոնում

Շատ դիտորդներ նկատեցին, որ Ռուսաստանյան ընտրությունների արդյունքները հրապարակելուց քիչ անց Պուտինը հանդիպեց իր թիմի անդամների հետ` առանց Մեդվեդևի, iնչը նախկiնից տարբերվող դրսևորում էր: Իսկ ուղիղ հարցին, թե ում է տեսնում վարչապետի պաշտոնում, Պուտինը առանց երկմտելու ասաց, որ «հենց այս պահից սկսելու է մտածել այդ մասին»` որևէ ակնարկ չանելով Մեդվեդևի վերաբերյալ: Ինչ է սա նշանակում, դեռ ոչ ոք չգիտի, սակայն ակնհայտ է, որ առանց Մեդվեդևի հանդիպումը իր կողմնակիցների հետ շատ բանի մասին է խոսում:

Դիտորդների կարծիքով արդեն հայտնի է, որ ապագա կառավարությունում չեն լինելու Ռոգոզինը, Պրիխոդկոն և Մուտկոն: Եվ պարզվում է նաև, որ Մեդվեդևի հարցը նույնպես կարող է քննարկման առարկա դառնալ: Բացի այդ, շատերը նկատեցին, որ Պուտինի հետընտրական հռետորաբանությունը նույնպես փոփոխության է ենթարկվել: Եթե նախկինում նա միշտ դեմ էր արտահայտվում կտրուկ փոփոխությունների վերաբերյալ, ապա երեկ նա հիշեց նույնիսկ Գորբաչովի խոսքերը՝ նշելով, որ «ամեն ինչ հոսում, ամեն ինչ փոփոխվում է»:

Անշուշտ 76 տոկոսը մարդուն դարձնում է լրիվ ինքնաբավ գործիչ, բայց նաև շատ լուրջ պատասխանատվություն է դնում նրա վրա: Հենց այս վիճակի մեջ է իրեն զգում այսօր Պուտինը: Նա կաշկանդված չէ՝ գնալու լուրջ փոփոխությունների, որին սպասում է ռուս հասարակությունն ու այդ պետությունը: Երանի նրանց, որ ունեն այդ փոփոխության հնարավորությունը: Իսկ մենք այս 28 տարիների ընթացքում այդպես էլ չկարողացանք ձևավորել լայն հասարակական լեգիտիմությամբ օժտված իշխանություն:

Հակոբ Կարապետյան