Ասում եք՝ նույնանման, ես հարցնում եմ՝ որտեղի՞ց որոշեցիք, Ալիևն ասել է «հորս արև՞», է հետո էլ կասի՝ «հոյս-արև» եմ ասել. Խաչատրյանը՝ ՔՊ-ականներին

«Տիկին Կարապետյան, թույլ տվեք իմ խորին շնորհակալությունը հայտնել Ձեզ ձեր ելույթի համար։ Ես այդ ելույթը երբեք չեմ մոռանա։ Դուք ասացիք, որ այն պնդումները, թե Նախագահ Քոչարյանը Մեղրին փոխանակում էր Ղարաբաղի հետ՝ սուտ է, այլապես եթե Մեղրին տրվում էր Արցախի դիմաց՝ էլ ինչ միջանցքի մասին էր խոսքը»,-ՔՊ-ական պատգամավոր Մարիա Կարպետյանին դիմեց  ԱԺ «Հայաստան» խմբակցության անդամ Արթուր Խաչատրյանը։

Դուք հենց նոր պնդեցիք, որ այդ պնդումը սուտ է, ես երբեք չեմ մոռանա, վախենամ Նիկոլ Փաշինյանն էլ չմոռանա, բայց այն ձեր երկուսի հարաբերություններն էին։
Խաչատրյանը հիշեցրեց, որ 2022 թվականին Փաշինյանը հայտարարում էր, թե ինչու խոսվում միայն Մեղրիի մասին և, որ Ադրբեջանը կարող է Իջևանից և ՀՀ սահմանի այլ երկու կետերով անցնել ՀՀ տարածքով և համապատասխանային իրավանորմատիվ ակտը փոփոխելու հանձնարարություն էր տվել։

Ըստ պատգամավորի, Ադրբեջանն է ստիպել, որ բացվի հենց Մեղրիով անցնող ճանապարհը։

Նա նշեց, որ իրենց հնչեցրած հարցն այլ է, թե ԹՐԻՓՓ-ի գործադրման դեպքում ինչ ռեժիմ է գործելու Հայաստնից արևելք և արևմուտք։

«Դուք ասում եք՝  նույնանման, ես հարցնում եմ՝ որտեղի՞ց որոշեցիք, Ալիևն ասել է «հորս արև՞», է հետո էլ կասի՝ «հոյս-արև» եմ ասել։ Դու մտնում ես պարտադիր պարտավորության տակ այն հույսով, որ Ալիևն ասի. «Վայ, ես ձեզ շատ եմ սիրո՞ւմ»։ Ներողություն ժողվո՛ւրդ, ձե՞ռք եք առնում ձեզ»,- ասաց խաչատրյանը՝ հավելելով որ հայաստանի պարտավորությունները ԹՐԻՓՓ նախագծում կա, բայց այլ փաստաթուղթ գոյություն չունի, որը սահմանի Ադրբեջանի պարտավորությունները։