Ընդդիմությունը թույլ տվեց Փաշինյանին դառնալ հայկական  Բրեժնև. շնորհավորանքներ սպասենք  Ֆոն դեր Լյայենից և Կիմ Չեն Ինից

Անցած կիրակի տեղական ընտրություններում, 21 համայնքներում, իշխանության թեկնածուները  «ջախջախիչ»  հաղթանականեր տարան ժողովրդի նկատմամբ:

Ցուցանիշներին իսկապես կարող  էին նախանձել նախկին ԽՍՀՄ  ղեկավարները:

Այսպես, Հրազդանում   Սասուն Միքայելյանի որդին՝ Սևակ Միքայելյանը, առաջատարն է՝ ձայների 90.2%-ով: Գորիսում՝  Առուշ Առուշանյանի գլխավորած «Համերաշխություն» դաշինքը ստացել է 93%:

Արտաշատում  ՔՊ-ի թեկնածու  Կառլեն Մկրտչյանն  ստացել է 85.6 %:

 Իջևանում ՔՊ-ի թեկնածու  Արթուր Ճաղարյանը՝  85.25 %:

 Վարդենիսում, ՔՊ-ի թեկնածու  Ահարոն Խաչատրյանը ստացել է 93.8 %:

 Դիլիջանում ՔՊ-ի թեկնածու  Դավիթ Սարգսյանը, ստացել է 76.4 %:

 Գավառում, փաստացի ՔՊ-ի թեկնածու  Գուրգեն Մարտիրոսյանը ստացել է 81.3 %:

 Արաքս համայնքում ՔՊ-ի թեկնածու  Ղազար Ղազարյանը տացել է քվեների 71.7 %:

 Արմավիրում ՔՊ-ի թեկնածու  Վարշամ Սարգսյանը ստացել է 96.1 %:

 Գառնի համայնքում ՔՊ-ի թեկնածու  Տիգրան Պողոսյանը ստացել է 94.2 %:

 Ախուրյան համայնքում ՔՊ-ի թեկնածու  Զավեն Մանուկյանը ստացել է 92.4 %:

 Մարտունիում ՔՊ-ի թեկնածու  Հովհաննես Հովեյանը ստացել է 67.6 %:

 Ծաղկաձորում, ՔՊ-ի ներկայացուցիչ  Նարեկ Հարությունյանը ստացել է 84.6 %:

 Վայքում, ՔՊ-ի թեկնածու  Մխիթար Մաթևոսյանը ստացել է 96.12 %:

 Եղեգնաձորում ՔՊ-ի թեկնածու  Հուսիկ Սահակյանը ստացել է 47.8 %:

 Ջերմուկում, ՔՊ-ի թեկնածու Վահագն Արսենյանը ստացել է 92.7 %:

 Մեղրիում ՔՊ-ի թեկնածու  Սերգո Գալստյանը ստացել է քվեների 70 %-ը:

Այսպիսով կարող ենք  «շնորհավորել»  ՔՊ-ի  նորընտիր  տեղական բդեշխներին՝ դեպի ԽՍՀՄ-ի  բարքեր վերասդարձով:

Իսկ Նիկոլ Փաշինյանին  կարելի է  «շնորհավորել»  հայկական Սադդամ Հուսեյն դառնալու կապակցությամբ, երբ  «ընտրություններն»  անցկացվում են մի պայմաններում, երբ հիմնական ընդդիմադիր ուժերի լիդերները  գտնվում են բանտերում:

Այս ամենից հետո Ֆոն դեր Լյայենը  պարտավոր է  «շնորհավորել»  իր հայ գործնկերոջը՝  «2018-ի ոգին»  պահելու կապակցությամբ, իսկ Հյուսիսային Կորեայի լիդերը ուղղակի պարտավոր է  «շնորհավորել»  իր հայ կոլեգային բռնապետերի շարքում հայտնվելու կապակցությամբ:

Սակայն պետք է նշել, որ այս իրավիճակի գլխավոր մեղավորներից  են  նաև տիտղոսային ընդդիմության ներկայացուցիչները, որոնք այս ընտրությամբ  փաստացի կորցրին այդ տիտղոսը և հայտնվեցին պարտված ընդդիմադիրների ոչ պատվավոր ցուցակում:

Իսկ թե ինչու այդպես ստացվեց, կդիտարկենք  մեր հաջորդ  անդրադարձերում:

Սա է իրականությունը

Դավիթ Մկրտչյան
Zham.am