Ինչո՞ւ ենք թուրքական մամուլից տեղեկանում Անիի կամրջի վերականգման աշխատանքների ընթացքի մասին

Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն տեղեկացրել է, որ աշխատանքների իրականացման պայմանագիրը ստորագրվել է սեպտեմբերի 28-ին։

Կապալառուն դարձել է թուրքական FİMAŞ Yapı ընկերությունը։ Պայմանագրի արժեքը կազմում է շուրջ 632 միլիոն թուրքական լիրա, իսկ աշխատանքների ավարտի վերջնաժամկետը 2028 թվականի հունվարի 1-ն է։

-Նախ ինչո՞ւ ենք մենք թուրքական մամուլից տեղեկանում Անիի կամրջի հետ կապված նորություններին։ Հայաստանի համապատասխան գերատեսչությունները քնա՞ծ են, թե՞ իրենք էլ են թուրքական մամուլից ծանոթանում նորություններին։

-Ինչո՞ւ հայկական կողմը որևէ տեղեկություն չի տրամադրել կամրջի վերկանգման աշխատանքների կազմակերպման մասին։

-Եթե նախագիծը իրականացնում է համատեղ հանձնաժողովը, ապա հայկական կողմը ի՞նչ ծավալով ու ձևաչափով է ներգրաված եղել այդ աշխատանքներին։

-Կամրջի վերականգնումը ի՞նչ նախագծով է իրականացվելու, հայկական կողմը այս առումով առաջարկներ ներկայացրե՞լ է, թե՞ ոչ։

-Հայկական կողմը ինչ-որ ձևով վերահսկելու է շինաշխատանքները, թե՞ ոչ։

-Անի կամրջի հետագա շահոգրոծումը նախատեսվո՞ւմ է, թե՞ ոչ։ Եթե այո, ապա ի՞նչ ձևաչափով։ Հայկական կողմի մասնակցության ծավալը ինչպիսին է լինելու»։