ԻՆՉ ԿԱՊ ՈՒՆԻ ԱՆԴՐԱՆԻԿ ԹԵՎԱՆՅԱՆԻ ԿԱԼԱՆԱՎՈՐՈՒՄԸ ՌՈՒՍ-ՈՒԿՐԱԻՆԱԿԱՆ ՀԱԿԱՄԱՐՏՈՒԹՅԱՆ ՀԵՏ

Սերգեյ Սարգսյանը գրում է.
«Եվրոպայում արդեն շաբաթներ շարունակ զանգվածային բողոքի ցույցեր ու անհնազանդության գործողություններ են ընթանում: Միլիոնավոր մարդիկ Եվրոպայում բողոքի գործողություններով պայքարում են կյանքի թանկացման, ցածր աշխատավարձերի, բնակարանների անմատչելիության և սոցիալական անհավասարության դեմ։ Նրանք պահանջում են արժանապատիվ կենսապայմաններ, մատչելի կրթություն ու առողջապահություն, կենսաթոշակների և աշխատողների իրավունքների պաշտպանություն։ Այն դրսևորվում է Ֆրանսիայում, Իտալիայում, Իսպանիայում, Ալբանիայում, Բելգիայում, Պորտուգալիայում և այլ երկրներում: Ավելի փոքր մասշտաբների ցույցեր են տեղի ունեցել Հունաստանում, Գերմանիանու, Աստրիայում, Իռլանդիայում: Պայքարի դրոշակակիրը սովորության համաձայն ֆրանսիացիներն են:
Այս ընդվզումները անմիջականորեն կապված են ռուս-ուկրաինական պատերազմի հետ:

2022 թվականի փետրվարից հետո կտրուկ փոխվել են Եվրոպական երկրների տնտեսությունների ինչպես կառուցվածքը, այնպես էլ՝ ֆինանսական բաշխումները: Մասնավորապես, շեշտակի աճել է Եվրոպական երկրների բյուջեներից Ուկրաինային հատկացվող օգնության թիվը: Տարբեր հաշվարկներով 2022 թվականի փետրվարից մինչև հիա եվրոպական երկրները իրենց հարկատուների հաշվին Ուկրաինային տրամադրել են 231 մլրդ $ որպես ֆինանսական, ռազմական և մարդասիրական աջակցություն: Ընդ որում, Ֆրանսիան և Գերմանիան ԵՄ-ում ամենախոշոր ֆինանսական միջոցներ տրամադրողներն են և տրամաբանորեն ինչպես ընտրական, այնպես էլ փողոցային ընդվզումները սկսվել են հենց այս երկրներում: Երկու երկրներում էլ իրենց ազդեցությունը և վարկանիշը ավելացրել են ազգայնական ուժերը` Լը Պենի և Այլընտրանք Գերմանիայի համար կուսակցության գլխավորությամբ, որոնք իրական հնարավորություն ունեն վերցնելու իշխանությունը Ֆրանսիայում և Գերմանիայում` դրանով իսկ փոխելով աշխարհակարգ: Ընդ որում, էական չէ բողոքի ալիքները ուղիղ կապված են Ռուսաստանի հանդեպ վարվող պատժամիջոցային քաղաքականությունից ունեցած դժգոհության, Ռուսաստանի հանդեպ դրական կամ բացասական վերաբերմունք ունենալու հետ:

Եվրոպայում մարդիկ հոգնել են իրենց ոչ վերաբերելի պատերազմը անընդհատ իրենց միջոցերի հաշվին ֆինանսավորելուց, որն ուղիղ ազդում է իրենց կենսամակարդակի վրա:
Գլոբալիստական աշխարհն ինչպես Եվրոպայում, այնպես էլ այլ մայրցամաքներում ծանր պարտությունների եզրին է, սակայն դեռ դիմադրում է: Այս տարվա հայաստանյան խորհրդարանական ընտրությունները նույնպես վերաբերում էին գլոբալիստական աշխարհի և ընդհանուր առմամբ` աջ ազգային ուժերի (մեր տարածաշրջանում` Ռուսաստան) միջև պայքարին, որի շրջանակներում էլ կալանավորվել է Անդրանիկ Թևանյանը` Հայաստանի պատմության առաջին աշխարհաքաղաքական տրամաբանությամբ կալանավորումը: Անդրանիկ Թևանյանը հայ-ռուսական հարաբերությունների խորացման, ռուսական ռազմաբազան Հայաստանում պահելու, հայ-ռուսական տնտեսական, մշակութային և այլ ոլորտների հարաբերությունները զարգացնելու կողմնակից է և վերջինիս կալանավորումը փաստացի ուղղված է ընդդեմ Ռուսաստանի:

Հայտնի է, որ Նիկոլ Փ.-ի հովանավորներն են Մակրոնը, Ուրսուլան, Մերցը, այսինքն, գլոբալիստական աշխարհը, որոնք ուղղակիորեն ֆինանսավորում են ռուս-ուկրաինական պատերազմը: Այդ աշխարհի հովանավորյալ Նիկոլ Փ.-ի թիվ մեկ գաղափարաքաղաքական հակառակորդը Հայաստանում Անդրանիկ Թևանյանն է, ում, ըստ էության, մեղադրում են հայ-ռուսական հարաբերությունների կողմնակից լինելու և ընդդիմադիր գործունեություն ծավալելու համար: Արդյունքում Անդրանիկ Թևանյանը հայտնվել է գլոբալիստական աշխարհ - Ռուսաստան հակամարտության կենտրոնում և ցանկացած աշխարհաքաղաքական փոփոխություն (ռուս-ուկրաինական հակամարտության հանգուցալուծում, Ֆրանսիայում իշխանության փոփոխություն և այլն), որի արդյունքում գլոբալիստական աշխարհը կզրկվի իշխանությունից, դրա հետևանքները անմիջապես կզգացվեն Հայաստանում»: