Իշխող ռեժիմի համատարած ռեպրեսիաների և ահաբեկումների պայմաններում Հայաստանի 21 համայնքներում այսօր կայանալու են ՏԻՄ «ընտրություններ»

Փաշինյանական ռեժիմի կողմից ընդդիմադիր ու ոչ իշխանական թեկնածուների և ուժերի դեմ զանգվածային ռեպրեսիաների, ձերբակալումների, խուզարկությունների, այլ ճնշումների և ահաբեկումների պայմաններում Հայաստանի 21 համայնքներում այսօր կայանալու են տեղական ինքնակառավարման մարմինների «ընտրություններ»։

Համամասնական ընտրակարգով ընտրություններ են լինելու 19 համայնքներում՝

Արարատի մարզի Արտաշատ,
Արմավիրի մարզի Արմավիր և Արաքս,
Գեղարքունիքի մարզի Գավառ, Մարտունի և Վարդենիս,
Կոտայքի մարզի Հրազդան, Ծաղկաձոր և Գառնի,
Շիրակի մարզի Արթիկ և Ախուրյան,
Սյունիքի մարզի Գորիս և Մեղրի,
Վայոց Ձորի մարզի Եղեգնաձոր, Վայք և Ջերմուկ,
Տավուշի մարզի Իջևան և Դիլիջան,
Լոռու մարզի Ստեփանավան։

Մեծամասնական ընտրակարգով ընտրություններ են լինելու 2 համայնքներում՝

Լոռու մարզի Ֆիոլետովո,
Արագածոտնի մարզի Շամիրամ:
--
Ժամը 08:00-ից բացվել են բոլոր 517 ընտրական տեղամասերը, և քվեարկությունը մեկնարկել է սահմանված կարգով։

Բայց առկա իշխանական տեռորի պայմաններում այդ ամենը ավելի շուտ ձևական, այսպես ասած՝ ցուցադրական կողմն է: Պարզ է նաև, որ այն համայնքներում, որտեղ Փաշինյանը նույնիսկ այսքան ռեպրեսիաներ կիրառելուց հետո պարտվի, իրականացվելու են հաղթած թեկնածուների արագընթաց ձերբակալություններ կամ՝ «պատահական» սպանություններ, ինչպես դա եղավ Փարաքարում: 

Ձևական-ցուցադրական առումով՝ ընտրական տեղամասերում ընտրողների գրանցման նպատակով գործածվելու են թվով 972 տեխնիկական սարքավորումներ։

Ընտրությունների ընթացքին հետևելու նպատակով Կենտրոնական ընտրական հանձնաժողովը հավատարմագրել է 6 դիտորդական առաքելություն, իսկ ընտրությունները լուսաբանելու նպատակով՝ 28 անգվածային լրատվության միջոց։

Ընտրական գործընթացին կարող եք հետևել Կենտրոնական ընտրական հանձնաժողովի կայքէջում և ԿԸՀ պաշտոնական ֆեյսբուքյան հարթակում։
--
Կարճ ասած, սա արդեն գրեթե ֆեյք «ընտություն» է: