Կանաց նկատմամբ բռնության դեպքերից «բորբոքվողները» պապանձվում են, երբ Փաշինյանն է բռիությունների դիմում

Մի կողմ թողնենք այն փաստը, որ տեսանյութում հայտնված «տղամարդը» հայտնի հարբեցող է, որն ամեն եղանակով փորձում է «ծարավը հագեցնել» և շատ հավանական է, որ սիրով կստանձներ բռնարարի դերը մեկ շիշ օղու դիմաց: Ինչն էլ «հայտնի արշավին» թափ կհաղորդեր: Մի կողմ թողնենք նաև տեսանյութում հայտնված կնոջ մասին լուրերը, որ ինքն էլ այլ դեպքերում նույն «տղամարդուն» է փողոցում հայհոյել:

 

Զուտ նայենք կնոջ նկատմամբ բռնության տեսանկյունից: Այո, տեսարանը շատ տհաճ էր և կինը շատ ցավալի վիճակում էր: Բայց բռնարարն իրենից եսիմինչ չէր ներկայացնում և շատերը կարող էին լեզուն կարճացնել, ինչպես արեց ավտոբուսում մեկ այլ կին, երբեմն անգամ մյուս կնոջը վիրավորելով ու հասարակական վայրում հայհոյանքների անցնելով: Կինն ինքն է ընտրել այդ բռնարարին և անգամ չի էլ փորձում վեր կենալ ու իջնել: Գուցե համարում է, թե կյանքը դրա հետ է կապել, բայց իր ընտրությունն է:

 

Երեխան չցանկացավ վերցնել, նաև մայրը մերժեց, ինչին հետևեց սրիկայաբար մոր վրա հարձակումն անչափահաս երեխայի ներկայությամբ, որի ընթացքում ցեղասպանվելուց մազապուրծ եղած կնոջն ու իր որդուն փախածներ անվանեց:

Այդ կինն անգամ խնդրեց իրենց հանգիստ թողնել, բայց մոլագար էլի չասեմ ինչը շարունակեց նրանց վիրավորել: Այդ կինը չէր ընտրել դրա հետ նույն վագոնում հայտնվելը, ոչ ոք չէր կարող նրան պաշտպանել:

Երկու օր առաջ բռնարարի մասին գրողների առնվազն կեսն այդ դեպքի մասին անգամ թեթև գրառում չեն արել: Իրենց դրել էին խողովակի տեղ ու «չէին նկատում» հայ կնոջ և անչափահաս երեխայի նկատմամբ բարոյահոգեբանական բռնությունը:

Ավելին՝ չնկատեցին, երբ նույն չասեմ ինչը մեկ այլ կնոջ վրա էր գոռգոռում ու ձեռքից քաշքշում, և էլի վիրավորում: Առողջապահության նախարարի աթոռը զբաղեցնող «կինն» էլ կողքից հիանում էր, հետո էլ այդ կնոջը պոլիկլինիկայից աշխատանքից ազատեց:

Սա այն ամենն է, ինչ պետք է իմանալ իբր կանանց նկատմամբ բռնության դեպքերը «նվազեցնել» կամ զրոյի հասցնել ցանկացող երեսպաշտների մասին, որոնք ակտիվանում են միայն կոնկրետ դեպքերում»: