Հատուկ դեսպանորդ Սթիվեն Ուիթքոֆը մեկնել է Սանկտ Պետերբուրգ. ԱՄՆ պետքարտուղար
ԱՄՆ նախագահի հատուկ դեսպանորդ Սթիվեն Ուիթքոֆը մեկնել է Ռուսաստան։ Այս մասին հայտարարել է ԱՄՆ պետքարտուղար Մարկո Ռուբիոն։
«Ուիթքոֆը Սանկտ Պետերբուրգ է մեկնում», - նրա խոսքերը մեջբերել է Reuters-ը։
Ըստ Ռուբիոյի, իր կարծիքով, Սպիտակ տան ներկայացուցչի և Ուկրաինայի նախագահ Վլադիմիր Զելենսկու միջև Օսլոյում երեկ կայացած հանդիպումը հաջողված է եղել։
Ռիա նովոստին գրում է, որ երեքշաբթի օրը Նորվեգիայում տեղի է ունեցել ուկրաինական կարգավորման շուրջ բանակցություններ, որոնց մասնակցել են նաև Նորվեգիայի վարչապետ Յոնաս Գար Ստյորեն և Ֆինլանդիայի նախագահ Ալեքսանդր Ստուբը: Զրույցին հեռակա կարգով միացել է Դոնալդ Թրամփի խորհրդականը և փեսան՝ Ջարեդ Քուշները։
Խորհրդակցություններից հետո Ստուբը հայտարարել է անվտանգության և տնտեսության ոլորտներում որոշակի տարրերի առաջընթացի և զարգացման մասին, որոնք Ուիթքոֆը նախատեսում է ներկայացնել ռուսական կողմին այսօր Սանկտ Պետերբուրգ կատարելիք այցի ժամանակ։
Axios-ի թղթակցի խոսքով, Վաշինգտոնում իր աղբյուրին հղումով, ԱՄՆ-ն, Ուկրաինան և Եվրոպան Օսլոյի բանակցությունների ընթացքում համաձայնության են եկել հակամարտության կարգավորման հետագա քայլերի և Ռուսաստանի հետ փոխգործակցության վերաբերյալ։

