«Ռոսատոմը» դրական ազդակներ է ստանում Հայաստանից՝ այնտեղ նոր էներգաբլոկ կառուցելու իր առաջարկի վերաբերյալ. Լիխաչով

«Ռոսատոմ» պետական կորպորացիայի գլխավոր տնօրեն Ալեքսեյ Լիխաչովը հայտարարել է, որ «Ռոսատոմը» դրական ազդանշաններ է ստանում Հայաստանից այնտեղ նոր էներգաբլոկ կառուցելու առաջարկի վերաբերյալ։ 

Նրա խոսքով, Նիկոլ Փաշինյանի հետ հանդիպման արդյունքները «մեծ դրական հանրային արձագանք» են առաջացնում։

«Եվ այսօր մեր պահպանած բոլոր կապերը մեզ ազդանշան են հաղորդում մեր առաջարկի՝ հնարավորինս կարճ ժամանակահատվածում ՎՎԷՌ-1000 (VVER-1000) գիգավատ դասի էներգաբլոկի կառուցման, այս նախագծի բոլոր հնարավոր աջակցությամբ և օպտիմալացմամբ չափազանց դրական ընկալման մասին»,- ՏԱՍՍ-ի հաղորդմամբ, ասել է Ալեքսեյ Լիխաչովը։
Հիշեցնենք՝  Ալեքսեյ Լիխաչովն ավելի վաղ հայտնել էր, որ «Ռոսատոմը» Հայաստանի կառավարությանը կոնկրետ առաջարկ է արել առնվազն 1 ԳՎտ հզորությամբ էներգաբլոկի կառուցման վերաբերյալ։ Նա տեղեկացրել էր, որ Նիկոլ Փաշինյանի և փոխվարչապետ Մհեր Գրիգորյանի հետ հանդիպմանը քննարկել են ատոմակայանի գործող բլոկի աշխատանքի երկարաձգման հարցին զուգահեռ նաև նոր բլոկի կառուցման հարցը:  «Ռոսատոմ»-ի  տնօրենի խոսքով, այդ բլոկը պետք է լինի առնվազն 1 ԳՎտ հզորությամբ (1000 ՄՎտ), քանի որ այդպես է գնահատում էներգահամակարգի պահանջներն ու պակասուրդը մինչև 2040 թվականը, բայց յան հայաստանի սովերեն որոշումն է։