Ադրբեջանն այսօր այն եզակի երկրներից է, որը հանդիսանում է gեղшuպшն քաղաքականություն իրականացնող. Հովիկ Ավանեսով

«2020 թվականի սեպտեմբերի 27-ին  սանձազերծած պատերազմից մինչ այսօր, եթե հաշվենք Արցախում վանդալիզմի բոլոր դեպքերը, անցնելու է 1000-ի շեմը»,- կառավարության դիմաց  COP17-ին ընդառաջ արցախցիների կազմակերպված բողոքի ակցիայի ժամանակ ասաց  Արցախի մշակութային ժառանգության օմբուդսմեն Հովիկ Ավանեսովը։

Նա նշեց, որ Արցախում կան 10-ից ավելի ամբողջական ոչնչացված գյուղեր իրենց պատմական ու մշակութային լանդշաֆտով։

«Այս ամենի մասին պետք է խոսեն բոլոր կազմակերպությունները։ Երբ լռում են, դառնում են Ադրբեջանի վարչակազմի ու այդ քաղաքականության հանցակիցը՝  կանաչ լույս վառելով հետագա վայրագությունների ու մշակութային ցեղասպանության  համար»,- ասաց Ավանեսովը։

Նրա խոսքով, վերջին շրջանում Արցախում խոշոր հրդեհների հետևանքով  100-ից ավելի մշակութային արժեքներ, եկեղեցիներ, բնակավայրեր հայտնվել էին ամբողջական ոչնչացման վտանգի տակ։

«Ադրբեջան այսօր այն եզակի երկրներից է, որը հանդիսանում է ցեղասպան քաղաքականություն իրականացնող երկիր՝ ինչպես մարդկանց ֆիզիկապես ոչնչացնելով, տեղահանելով, այնպես էլ մեր մշակութային ժառանագությունը ոչնչացնելով»,- ասաց Հովիկ Ավանեսովը։ 

Մանրամասն՝ տեսանյութում։ 

Աղբյուրը` Panorama.am