Պուտինն ու Թրամփը պայմանավորվել են. ռուսական դիզվառելիքի առաջ բացում են շուկան, Զելենսկին դժգոհ է

Ռուսաստանը հաստատել է ԱՄՆ և ամբողջ աշխարհի շուկաներ նավթ և նավթամթերք մատակարարելու պատրաստակամությունը։ Դրա մասին հայտնում է ТАСС-ը՝ հղում անելով Կրեմլի հայտարարությանը՝ Ռուսաստանի նախագահ Վլադիմիր Պուտինի և Թրամփի զրույցի արդյունքներով։

«Ռուսական նավթի հայտնվելը ամերիկյան շուկայում դրական կանդրադառնա ամբողջ համաշխարհային տնտեսության վրա»։

Թրամփի հետ հեռախոսազրույցի ընթացքում զգալի ուշադրություն է դարձվել ուկրաինական ճգնաժամի կարգավորման հեռանկարներին։

Պուտինն ու Թրամփը պայմանավորվել են շարունակել անձնական շփումները, ինչպես նաև համագործակցել իրենց վարչակազմերի, հատուկ ծառայությունների և գերատեսչությունների գծով։ Զրույցում անդրադարձ է եղել Իրանի շուրջ իրավիճակին և երկկողմ հարաբերությունների տարբեր ասպեկտներին», - հայտնել է Կրեմլը։

Այսօր ավելի վաղ Թրամփը խոսել է ՌԴ նախագահ Վլադիմիր Պուտինի հետ. համաձայնություն է ձեռք բերվել Ռուսաստանի՝ համաշխարհային շուկադիզելային վառելիք մատակարարման մասին:
--

ԱՄՆ նախագահ Դոնալդ Թրամփը հայտնել է ՌԴ նախագահ Վլադիմիր Պուտինի հետ շատ հաջող զրույցի մասին։

Թրամփը հայտարարել է Ռուսաստանից ԱՄՆ և համաշխարհային շուկաներ դիզելային վառելիքի մեծածավալ մատակարարումների վերաբերյալ համաձայնագրի մասին։

Թրամփը հայտնել է, որ Ռուսաստանը պատրաստ է ԱՄՆ-ին և համաշխարհային շուկաներին հիմա մատակարարել 300,000 տոննա դիզելային վառելիք, նոյեմբերին՝ 500,000 տոննա, իսկ ավելի ուշ՝ 1 միլիոն տոննա։
--

«Ես հենց նոր շատ հաջող քննարկում ունեցա Ռուսաստանի նախագահ Վլադիմիր Պուտինի հետ, որի ընթացքում որոշվեց, որ Ռուսաստանն անհապաղ ԱՄՆ-ի և համաշխարհային շուկաներ կմատակարարի ավելի քան 300 000 տոննա դիզելային վառելիք, ինչպես նաև ևս 500 000 տոննա՝ նոյեմբերին և 1 000 000 տոննա՝ դրանից անմիջապես հետո։ Բացի այդ, ելնելով դիզելային վառելիքի վերամշակման գործարանների վիճակից՝ Ռուսաստանը կարճ ժամանակահատվածում կմատակարարի ևս 3 000 000 տոննա դիզելային վառելիք», - գրել է  Թրամփը սոցիալական ցանցի իր էջում։

Սրա արդյունքում նա կանխատեսելի դիզվառելիքի գների ռեկորդային նվազում․

«Հորմուզի նեղուցի նկատմամբ մեր լիակատար վերահսկողության և ռուսական էներգակիրների վերաբերյալ այս կարևոր հայտարարության շնորհիվ՝ ամերիկացիների և, ըստ էության, ամբողջ աշխարհի համար դիզելային վառելիքի գները ռեկորդային չափով և արագորեն կնվազեն։ Ամերիկացիների, հատկապես՝ մեր հիանալի ֆերմերների, անասնապահների և բեռնատարների վարորդների համար ցածր գներ ապահովելն իմ գլխավոր առաջնահերթությունն է։ Սա շատ կարևոր հայտարարություն է։ Բացի այդ, պետք է հասկանալ, որ Իրանը միջուկային զենք չի ունենա»։

Պուտինի հետ ունեցած զրույցից հետո և Թրամփի հանձնարարությամբ՝ ԱՄՆ ֆինանսների նախարարությունն անհապաղ տրամադրել  է ժամանակավոր թույլտվություն, որը թույլ է տալիս ռուսական դիզելային վառելիք մատակարարել համաշխարհային շուկաներ։

Սակայն ԱՄՆ նախագահը չի հստակեցրել, արդյոք պատժամիջոցները կվերացվեն՝ ռուսական նավթամթերքի մատակարարումը համաշխարհային և ամերիկյան շուկաներ ապաշրջափակելու նպատակով։

Նա նաև չի պարզաբանել արդյոք նման համաձայնագիրը ենթադրում է երաշխիքներ ռուսական նավթավերամշակման գործարանների վրա հարվածներից խուսափելու վերաբերյալ։ Ներկայում Ռուսաստանն ունի դիզվառելիքի ավելցուկ, սակայն Ուկրաինայի կողմից հարվածների շարունակման դեպքում այդ պաշարը կարող է արագորեն սպառվել։

Ռուսաստանն իր հերթին հաստատել է ԱՄՆ-ի և համաշխարհային շուկաներ նավթ ու նավթամթերք մատակարարելու իր պատրաստակամությունը:

«Քննարկելով համաշխարհային էներգետիկ ոլորտի վիճակը՝ ռուսական կողմը վերահաստատեց ԱՄՆ-ի և համաշխարհային շուկաներ նավթ ու նավթամթերք մատակարարելու իր պատրաստակամությունը։ Վստահ եմ, որ դա ընդհանուր առմամբ դրական ազդեցություն կունենա համաշխարհային տնտեսության վրա»,-հայտարարել է ՌԴ նախագահը։

Հարցին, թե ի՞նչ զիջումների է գնացել ԱՄՆ-ն, ինչի՞ շուրջ է համաձայնության եկել Ռուսաստանը՝ ԱՄՆ-ին դիզելային վառելիք մատակարարելու դիմաց, ՌԴ նախագահի օգնական Յուրի Ուշակովը պատասխանել է. «Գիտեք, կարծում եմ՝ ամերիկյան կողմը լրացուցիչ պարզաբանումներ կտա այդ հարցի վերաբերյալ»։

Ուկրաինայի նախագահ Վլադիմիր Զելենսկին դատապարտել է Դոնալդ Թրամփի հայտարարությունը՝ ԱՄՆ ռուսական դիզվառելիք ներկրելու վերաբերյալ գործարքի մասին։

Զելենսկին դա որակել է որպես նվեր Ռուսաստանի նախագահ Վլադիմիր Պուտինին, ինչը հավասարազոր է «ներդրման այնպիսի պատերազմում, որը պետք է ավարտել, այլ ոչ թե երկարաձգել»։ Սոցիալական ցանցերում արված գրառման մեջ Զելենսկին նշել է, որ Ռուսաստանը դիզվառելիքի դիմաց կպատասխանի «հետագա ահաբեկչությամբ»։

«Մենք ակնկալում ենք Ամերիկայի արդարացի աջակցությունը՝ ուղղված կյանքի և Ուկրաինայի բնակիչների պաշտպանությանը, ինչպես նաև հույս ունենք, որ Միացյալ Նահանգները Ռուսաստանի հետ համապատասխան կոշտ խոսակցություն կվարի։ Կոշտ, ոչ թե թույլ»,-հայտարարել է Զելենսկին։
--
Աղբյուրներ՝ News.am , Panorama.am