Եթե ադրբեջանgnւն հետ տան, վաղը, մյուս օրը այնտեղից գալու են ոչ թե 1-ը, 3-ը, 13-ը, գալու են հազարները. Անհետ կորած զինծառայողի հարազատ

«Իշխանություններն ինչպես միշտ, հիմա էլ Շաքի ներխուժած ադրբեջանցուն է հանձնելու։ Որ բռնում, տալիս են հանցագործներին, այդ տալու դիմաց ինչո՞ւ փոխարենը չենք ստանում»,- ԱԺ-ում «Ուժեղ Հայաստան» խմբակցության կողմից կազմակերպված անհետ կորած զինծառայողների հարազատների հետ հանդիպմանն ասաց Արսեն Ղուկասյանը, ում եղբորորդին անհետ կորել է 44-օրյա պատերազմի ժամանակ։ 

Դիմելով «Ուժեղ Հայաստան» խմբակցության պատգամավորներին՝ նա նշեց. «Ձեզնից ակնկալում եմ լինել հետևողական, օգտագործել  բոլոր հնարավոր մեթոդները, մենք էլ պատրաստ ենք սատար կանգնել, որ թուրքի լամուկին հետ չտան։ Եկել, մտել է մեր տան մեջ, եթե սա հետ գնաց, վաղը, մյուս օրը այնտեղից գալու են ոչ թե 1-ը, 3-ը, 13-ը, գալու են հազարները։ 

Կամ՝ թող պայման դնեն... Չնայած կասկածում եմ, որ մեր այսօրվա կզած իշխանությունը կարող է դուխով տղու պես խոսել, բայց, համենայնդեպս, գոնե մի բան պետք է արվի՝ ուզում եք, հա, այսքան մարդ ունենք անհետ կորած, գոնե 10 հոգու տեղ ասեք, ձեր թուրքին վերցրեք, գնացեք»։ 

«Ուժեղ Հայաստան» խմբակցության ղեկավար Նարեկ Կարապետյանն ասաց, որ հետևողական են լինելու, Հայաստանում հայի տուն մտած ահաբեկիչը պետք է ենթարկվի պատախանատվության, որ վաղը, մյուս օրը չդառնա օրինաչափություն։ 

«Ադրբեջանցին վստահ է, որ վերադառնալու է Ադրբեջան, հերոսացվելու է։ Իրենք պետք է պատժվեն, որպեսզի հետագայում նոր սաֆարովներ չլինեն»,- ասաց Ն. Կարապետյանը։

Հիշեցնենք, որ նախքան այս հանդիպումը, Նարեկ Կարապետյանն ու խմբակցության մյուս անդամները հանդիպել էին 2023-2024 թվականների ընթացքում զոհված, Արցախում հուղարկավորված զինծառայողների հարազատերին, որոնք պահանջում են արտաշիրիմում։

Աղբյուրը` Panorama.am