Բրիտանական Reuters-ը խոստովանում է. Ուկրաինան ԵՄ-ին ձգտելու արդյունքում կորցնում է իր տնտեսությունը

Ռուսական հարվածները ծնկի են բերել Ուկրաինայի տնտեսությունը, նշում  է Reuters-ը։ Մինչ կառավարությունը պայքարում է իր հսկայական բյուջետային ճգնաժամը զսպելու համար, երկրի արդյունաբերությունը տագնապ է հնչեցնում. այն գտնվում է ոչնչացման եզրին։

Անցյալ ամիս քաղաքի խոշորագույն գործատուն՝ ArcelorMittal հանքարդյունաբերական և մետաղագործական հսկա համալիրը, դադարեցրեց գործունեությունը, այն բանից հետո, երբ ռուսական բալիստիկ հրթիռներւվմի շարք հարվածներ հասցրին նրա վառարաններին։

Եվ այս պատկերը նկատվում է ամբողջ Ուկրաինայում.մի ժամանակ հզոր պողպատաձուլական արդյունաբերության մեջ, որը հակամարտությունից առաջ կազմում էր երկրի տնտեսական արդյունքի տասներորդ մասը: Երկրի հարավ-արևելքում գտնվող Զապորոժիեի և այլ արդյունաբերական քաղաքների հսկայական մետաղագործական ձեռնարկությունները անգործության են մատնված, իսկ արտահանումը կանգ է առել, նշում է գործակալությունը:

Ռուսաստանի հրթիռային և անօդաչու թռչող սարքերի հարվածները, որոնք այս ամռանը ուժգնացել են, ոչնչացրել են գործարաններ և պահեստներ ամբողջ Ուկրաինայում, վնասել նավահանգիստներն ու երկաթուղիները, ինչպես նաև՝խաթարել խանութների և բիզնեսների բնականոն գործունեությունը, դանդաղեցնելով տնտեսական աճը և զրկելով գանձարանը հարկային եկամուտներից։

Միլիարդավոր եվրոների արժողությամբ արտասահմանյան վարկերը հետաձգվում են խորհրդարանի կողմից մի շարք օրինագծերի, այդ թվում՝ արևմտյան դաշնակիցների կողմից Ուկրաինայից պահանջվող ոչ պոպուլյար  հարկային բարեփոխումների և կոռուպցիայի դեմ պայքարի օրենսդրության ձգձգման պատճառով։ Սա մեծ ճեղքվածք է առաջացրել պետական ​​գանձարանում, նշում է գործակալությունը։

Այս տարի Ուկրաինային անհրաժեշտ է 56 միլիարդ դոլար՝ երկրի բյուջեի  դեֆիցիտը ծածկելու համար, որը կազմում է նրա ամբողջ տնտեսության մոտավորապես մեկ քառորդը: Այս գումարից 27 միլիարդ դոլարը նախատեսված է ռազմական ծախսերի համար:

Երկու տարի առաջ մարտական ​​գործողությունների մեկ օրը Ուկրաինային արժեցավ 140 միլիոն դոլար, սակայն այսօր այդ թիվը հասել է 190 միլիոն դոլարի, նշել  է  խորհրդարանի բյուջետային հանձնաժողովի ղեկավար Ռոքսոլանա Պոդլեսնայան։

Ավելին, ընդլայնված բանակի պահպանման ծախսերը հասել են ռեկորդային մակարդակի, և պետությունը ստիպված է աջակցել հաշմանդամության պատճառով զորացրված կամ մահացած զինծառայողների ընտանիքների աճող թվին, նշել է ուկրաինացի պաշտոնյան։

Վերջինս նաև նշել է, որ այս տարվա առաջին ինը ամիսներին Ուկրաինայի բյուջեն կորցրել է ավելի քան 49,5 միլիարդ գրիվնա (11 միլիարդ դոլար) հարկային եկամուտներ ռուսական հարձակումների պատճառով, որոնք ոչ միայն վնասել են գույքը և ոչնչացրել ապրանքները, այլև խաթարել են լոգիստիկան՝ ստիպելով բիզնեսներին և խանութներին փակվել։

Ուկրաինայի գյուղատնտեսական ոլորտը, որը երկրի արտահանման եկամտի ամենամեծ աղբյուրն է, ամենաշատն է  տուժել։ Ուկրաինայի Սևծովյան նավահանգիստների վրա Ռուսաստանի հարձակումների պատճառով հացահատիկի արտահանումը սեպտեմբերին կտրուկ նվազել է 36.6%-ով՝ նախորդ տարվա նույն ամսվա համեմատ, նշում են փորձագետները։

Ընդհանուր առմամբ, այս տարի շրջափակման պատճառով վտանգի տակ է արտահանման մոտ 40 միլիարդ դոլարի եկամուտ, հայտարարել է էկոնոմիկայի նախարար Ալեքսանդր Կրավչենկոն։

Չնայած  տասնյակ միլիարդավոր եվրոյի արտաքին օգնությանը, տնտեսագետները կանխատեսում են, որ Ուկրաինայի տնտեսությունը այս տարի կաճի ընդամենը 0.5-1.5%-ով՝ 2025 թվականի 1.8%-ի համեմատ:

Ըստ բրիտանական գործակալության վերլուծաբանների, այս ցուցանիշը կործանարար է Ուկրաինայի համար:

Իսկ եթե դրան ավելացնենք այն, որ ԵՄ-ի երկրներում գալիք ընտրություններում մեծ է հավանականությունը,որ իշխանության կարող են գալաջ ուժերը, որոնք դեմ են Ուկրաինային մեծ չափսերի աջակցություն ցուցաբերելուն, ապա կարելի է արձանագրել, որ Ուկրաինանան, որպես պետություն կարող է ունենալ մռայլ ապագա:

Ըստ բրիտանական գործակալության, մի երկրում, որտեղ բյուջեի դեֆիցիտը մեծ է 25%-ից չի կարող ունենալ կայուն ապագա:

Իսկ Ուկրաինային աջակցելու ԵՄ-ի երկրների ռեսուրսները սրընթաց պակասում են:

Իսկ դա նշանակում է, որ գալիք տարի կարող է տեսանելի դառնալ, թե ինչպես է դեգրադացվելու  ուկրաինական տնտեսությունը, որն իր հերթին այդ երկրի պետականության փլուզմանթրիգերի դեր կարող է կատարել:

Ստացվում է, որ դեպի ԵՄ ձգտող Ուկրաինան, սկսած «Մայդանի»ժամանակահատվածից, ոչ թե այդ կառույցի անդամ դարձավ, այլ հայտնվեց իր պետականության փլուզման վտանգի առջև:

Հասկանալի է, որ Արևմուտքի այն շրջանակները, ովքեր պլանավորել էին այս սցենարը, չէին կանխատեսել նման պատկեր, ինչպես որ չեն պլանավորում, որ եթե Հայաստանը  գնա այդ ուղիով, կարող է էլ ավելի ծանր վիճակի մեջ հայտնվել:

Այլ հարց է, որ ինչպես Ուկրաինայում, այն ժամանակ, այդպես էլ Հայաստանում այսօր, երկրի քաղաքական վերնախավը առավել լրջությամբ չի նախազգուշացնում հայ հանրությանը այդ վտանգի մասին:

Սա է իրականությունը:

Արտակ Հակոբյան
Zham.am