Նորանշանակ ԱՄՆ պետքարտուղար Մայք Պոմպեոն ընդգծված թուրքամետ գործիչ է և կարող է պրոբլեմ լինել մեզ համար

Ինչպես հայտնի է, անսպասելի շատերի համար, Թրամպը հեռացրեց Թիլերսոնին պետքարտուղարի պաշտոնից, նրա փոխարեն առաջարկելով CIA-ի ներկայիս տնօրեն Մայք Պոմպեոին:

Ով ՞է այս անձնավորությունը:

Նա հայտնին է, որպես ընդգծված թուրքամետ գործիչ: Սենատում «Թուրքիայի ընկերների» ակտիվ անդամ է: Միշտ եռանդուն կերպով ոչ միայն դեմ է եղել Հայոց ցաղասպանության ճանաչմանն ուղղված տարատեսակ նախաձեռնություններին, այլև ակտիվ պայքարողներից է եղել ամերիկյան իսթեբլիշմենթում՝ հանուն թուրքական շահերի:

Թրամպի այս որոշումից թուրքերն իրենց հիացմունքը չեն թաքցնում:

Գրեթե միակ բացասական կողմը Էրդողանի համար այն է, որ 2016-ի ամռանը Թուրքիայում հեղաշրջման փորձի ժամանակ Պոմպեոն խառնակիչների կողմն էր, նշում են թուրք վերլուծաբանները: Սակայն, նշում են նրանք, այդ ժամանակ խառնակիչներին աջակցում էր ԱՄՆ-ի ողջ իսթեբլիշմենթը: Այս հարցում Էրդողանը Վաշինգտոնում գրեթե կողմնակից չունի: Սակայն դա չի վերաբերվում թուրքական պետությանն ընդհանրապես:

Դրա համար էլ Էրդողանը չի վստահում Արևմուտքին և ԱՄՆ-ին մասնավորապես:

Սակայն Հայստանի համար այս փոփոխությունը մտահոգիչ պետք է լինի:

Բանն այն է, որ Անկարան հույս ունի Վաշինգտոնի հետ համաձայնության գալ՝ Սիրիայում քրդերի հարցում: Եթե դա նրանց հաջողվի, ապա Թուրքիայի համար կսկսվի կատաղի պայքար՝ Մոսկվայի ու Վաշինգտոնի միջև: Նման դասավորությունը խիստ վտանգավոր կարող է լինել հայերի համար: Այսօր մենք տեսնում ենք, թե ինչպես Սիրիայի հյուսիսի քրդերը Անկարայի զոհը դարձան՝ Մոսկվայի ու Վաշինգտոնի լռության քողի տակ:

Իսկ ի՞նչ երաշխիք կա նման բան չի կրկնվի նաև Ղարաբաղյան ուղությամբ:

Հակոբ Կարապետյան