Հանրային հեռուստաընկերության գեբելսյան քարոզչությունը. պահանջում ենք հերքում և ներողություն

23 Սեպտեմբեր, 2026 14:58

«Մայր Հայաստան» կուսակցության լրատվական ծառայությունը տարածել է հայտարարություն, որի մեջ նշված է.

««Մայր Հայաստան» կուսակցության նախագահ Անդրանիկ Թևանյանի դեմ շինծու մեղադրանքն ու ապօրինի կալանքն ուղղակիորեն հաստատվել են «գործի» վերջնական մեղադրական եզրակացությամբ։

Դեռ նախաքննության փուլում փլվել է այն մեղադրանքը, թե իբր՝ «Թևանյանը հավաքագրվել է օտարերկրյա հատուկ ծառայությունների կողմից», թե իբր՝ «622 հազար դոլարի դիմաց պետական գաղտնիք պարունակող տեղեկություն է փոխանցել այլ պետության հատուկ ծառայության ներկայացուցչին»։

Դատարան ներկայացված վերջնական «մեղադրանքի» մեջ այս ամենը չկա։ Այսինքն՝ մայիսին Նիկոլ Փաշինյանի հրահանգով «կարված» քաղաքական այս գործն ամբողջությամբ զրպարտություն և գեբելսյան ոճի սուտ է եղել։
Դա ոչ միայն մենք ենք ասում, այլ նաև Քննչական կոմիտեն ու Դատախազությունը։

Փաշինյանի՝ գեբելսյան ոճի ստեր տարածելու գործելաոճը կրկնօրինակում է Հանրային կոչված հեռուստաընկերությունը՝ Հ1-ը։

Հ1-ը շարունակում է Թևանյանի մասով տարածել այն ստերը, որոնք, կրկնենք, հերքվել են նախաքննության փուլում։

Սեպտեմբերի 22-ի լրատվական հաղորդման մեջ Հ1-ը, անդրադառնալով Անդրանիկ Թևանյանի և Արեգնազ Մանուկյանի դատական գործընթացին, ապատեղեկատվություն է տարածել՝ նշելով, թե նախկինում ներկայացված մեղադրանքներն իբր մնացել են ուժի մեջ։

Հ1-ը պարտավոր է հերքել այդ ապատեղեկատվությունը և ներողություն խնդրել գեբելսյան ստեր տարածելու համար»։