Իրական Գեղարքունիքում գայլերի հետ խաղաղության սիլի-բիլին ավարտվել է ոչխարների խոշոր կոտորածով. ախր ո՞ւմ մտքով կանցներ, չէ՞...

Հերթական արտակարգ դեպքն է տեղի ունեցել Գեղարքունիքի մարզում։ Shamshyan.com-ի հաղորդմամբ, ժամը 08:00-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Սևանի բաժնում հերթական օպերատիվ տեղեկություններն են ստացվել, որ Սևան խոշորացված համայնքի Ծաղկունք բնակավայրում գայլերի հարձակման հետևանքով մեծ թվով գառներ և մայրացու ոչխարներ են հոշոտվել։

Տեղում պարզվել է, որ ստացված տեղեկությունը հավաստի է, և ըստ գյուղացիների հայտնածի՝ գայլերի հարձակման հետևանքով մոտ 250-300 գառներ ու ոչխարներ սատկել են։

Դեպքի մասին տեղեկանալով՝ Սևան խոշորացված համայնքի ղեկավար Սարգիս Մուրադյանի հանձնարարականով ժամանել են Սևանի քաղաքապետարանի աշխատակիցները, ովքեր Ծաղկունք գյուղի վարչական ղեկավար Սասուն Մինասյանի գլխավորությամբ ճշտում են հանգամանքները։

Դեպքի փաստով ոստիկանության Սևանի բաժնում փաստաթղթեր են կազմվում, որտեղ էլ պարզում են գառների սեփականատիրոջ կամ սեփականատերերի ինքնությունը։

--
Արձանագրենք. իրական Գեղարքունիքում գայլերի հետ «խաղաղություն փայփայելը» անխուսափելիորեն ավարտվել է ոչխարների զանգվածային կոտորածով: Հնարավոր է, ոչխարները մայում էին «խաղաղությո՜ւն, բե-ե՜, խաղաղություն, բե-ե՜ե՜...», բայց դա գայլերի ոհմակի ու նրանց ագրեսիայի վրա չազդեց: 
Կարդացեք Այգեկցի: