Կրեմլում մեկնարկել է ՌԴ նախագահ Վլադիմիր Պուտինի հանդիպումը ԱՄՆ նախագահի բանագնացների հետ

Կրեմլում մեկնարկել է ՌԴ նախագահ Վլադիմիր Պուտինի հանդիպումը ԱՄՆ նախագահի դեսպաններ Սթիվ Վիտկոֆի և Ջարեդ Քուշների հետ։

Ռուսական կողմի պաշտոնական հաղորդագրության համաձայն, բանակցություններին մասնակցել են նաև Ռուսաստանի նախագահի օգնական Յուրի Ուշակովը և ՌԴԴՖ-ի գործադիր տնօրեն Կիրիլ Դմիտրիևը։

Հանդիպման մեկնարկին Վ. Պուտինը խնդրել է իր լավագույն մաղթանքներն ու երախտագիտությունը փոխանցել Դոնալդ Թրամփին։ Նա նշել է, որ իրավիճակը, որը քննարկման առարկա է դառնալու Ուիթկոֆի և Քուշների հետ, որակել է ոչ սովորական։

Պուտինը հայտարարել է, որ նախատեսում է Վիտկոֆի և Քուշների հետ քննարկել ուկրաինական կարգավորման բոլոր եղանակները։ Նա ընդգծել է նրանց նկատմամբ ունեցած բարձր վստահությունը՝ որպես ուկրաինական խնդրի կարգավորման միջնորդներ։  ՌԴ նախագահը հավելել է, որ Թրամփը շարունակում է իր ջանքերը՝ այս ռուս-ուկրաինական խնդրի կարգավորմանը նպաստելու համար։

«Ռիա Նովոստի»-ի փոխանցմամբ, Կրեմլում բանակցություններից առաջ Դմիտրիևը և ամերիկացի ներկայացուցիչները 3,5 ժամ անցկացրել են ռեստորանում՝ կազմակերպված գործնական ճաշի շրջանակում։

Ավելի վաղ Ուկրաինայի նախագահ Վլադիմիր Զելենսկին հայտարարել է, որ շաբաթ օրը զրուցել է Վիտկոֆի և Քուշների հետ, և որ Ուկրաինան պատրաստ է դադարեցնել Մոսկվային ուղղված հարվածները մինչև երկուշաբթի։

«Ես հենց նոր խոսեցի ԱՄՆ նախագահի բանագնացների հետ։ Նրանք արդեն սկսել են աշխատել ռուսական կողմի հետ այսօր։ Այս պահից մինչև շաբաթ օրվա վերջը, ինչպես նաև կիրակի և երկուշաբթի օրը Ուկրաինան պատրաստ է ձեռնպահ մնալ Մոսկվայի վրա հարվածներից, և մենք ակնկալում ենք, որ ռուսները նույնը կանեն Կիևի հետ կապված»։ Զելենսկին հույս է հայտնել Կիևի նախատեսված հանդիպման վերաբերյալ՝ հավելելով. «Մենք սպասում ենք Սթիվ Վիտկոֆին և Ջարեդ Քուշներին և պատրաստ ենք բովանդակալից զրույցի».-նշել է Զելենսկին X-ում կատարած գրառման մեջ։

Պուտինն իր հերթին կարգադրել էր երեք օրով դադարեցնել Ուկրաինային ուղղված հարվածները, որպեսզի կարողանան նախապատրաստվել ամերիկացի դեսպանների հետ հանդիպմանը։