Թրամփը լրատվամիջոցներին անվանել է «դավաճան տականքներ»՝ զինամթերքի ցածր մակարդակի մասին տարածած լուրերի պատճառով

ԱՄՆ նախագահ Դոնալդ Թրամփը կրկին հերքել է լրատվամիջոցներում տարածված այն լուրերը, որոնց համաձայն,  ԱՄՆ-Իրան պատերազմի ընթացքում ԱՄՆ-ի զինամթերքի պաշարները հասել են վտանգավոր ցածր մակարդակի։

 Truth Social-ում  կատարած գրառման մեջ Թրամփը հայտարարել է, որ զինված ուժերին տրամադրվում է անասելի մեծ քանակությամբ զինամթերք են և ունեն շատ ավելի պաշար, քան երբևէ կարող են օգտագործել։

Նա նաև քննադատել է այն լրատվամիջոցներին, որոնք հաղորդել են ԱՄՆ-ում ինչպես հարձակողական, այնպես էլ պաշտպանական զենքի պակասի մասին՝ անվանելով նրանց «դավաճան տականքներ», որոնք հրաժարվում են «ճշգրիտ լուսաբանել» Իրանի դեմ պատերազմը։

Թրամփը նմանատիպ մեկնաբանություններ էր արել օգոստոսին՝ արձագանքելով զինամթերքի պակասի մասին լուրերին, երբ Washington Post-ը հայտնել էր, որ նա հիասթափվել է պաշտպանության նախարար Փիթ Հեգսեթից մատակարարումների պակասի պատճառով։

Այն ժամանակ Թրամփն ասել էր, որ այդ հաղորդագրությունները «դավաճանական հայտարարություններ» են և խոստացել՝  մամուլին տեղեկատվությունը փոխանցողը կհետապնդվի և կդատապարտվի  երկարաժամկետ ազատազրկման։

Ամերիկյան բազմաթիվ լրատվամիջոցներ հաղորդել են Իրանի պատերազմի հետևանքով ԱՄՆ զինամթերքի և այլ պաշարների վնասների մասին, մասնավորապես՝ այն պաշարների, որոնք անհրաժեշտ են ԱՄՆ բազաները և տարածաշրջանային դաշնակիցներին Իրանի կողմից արձակվող հրթիռներից և անօդաչու թռչող սարքերից պաշտպանելու համար։ Դրանք հաստատվել են փորձագետների կողմից, այդ թվում՝ Վաշինգտոնում գտնվող Ռազմավարական և միջազգային հետազոտությունների կենտրոնի (CSIS) կողմից։ Կարճաժամկետ հեռանկարում ԶՈւ  նախկին պաշտոնյաները զգուշացրել են, որ զենքի պակասը կարող է վնասել ավելի առաջադեմ տեխնոլոգիաներ ունեցող հակառակորդների զսպմանը։

Քննադատությունից հետո մամուլի ազատության պաշտպանությամբ զբաղվող կազմակերպությունները հայտարարել են, որ Թրամփը 2025 թվականին պաշտոնը ստանձնելուց ի վեր մի շարք մտահոգիչ քայլեր է ձեռնարկել ​​լրատվամիջոցների դեմ։ Օրինակ,  ԱՄՆ նախագահը խնդրել է դաշնային հեռարձակման կարգավորող մարմիններին հետ վերցնել լրատվամիջոցների լիցենզիաները։
Աղբյուրը` Panorama.am