Բաքվում հայ գերիների խաչ դաջվածքներն шյրելnվ հեռացրել են, արգելել են Աստվածաշնչի փոխանցումը, հարկադրել են ընթերցել Ղուրան. Սահակյան

«Մենք արձանագրում ենք, որ Ադրբեջանում գտվող յուրաքանչյուր հայ գտնվում է  կյանքի սպառնալիքների ներքո, նույնիսկ սեփական կամքին հակառակ դիրքորոշումներ կարող են արտահայտել»,- ասուլիսում ասաց ՄԻԵԴ-ում հայ գերիների շահերի ներկայացուցիչ, իրավապաշտպան Սիրանուշ Սահակյանը։

Նա նշեց, որ դա տեսել են նաև թելադրված ցուցմունքներում. «Հայրենադարձված բազմաթիվ գերիներ հարկադրանքի, խոշտագումների ներքո ստորագրել են այնպիսի փաստաթղթերի տակ, որոնք որևէ կերպ չեն արտացոլել իրենց իմացության ներքո գտնվող տեղեկատվությունը, սակայն կյանքի սպառնալիքների ներքո ստիպված են եղել կատարել։

Սակայն ամենևին սա չի նշանակում, որ ցանկացած ուղերձ թելադրված է, որևէ կերպ ազատ կամք չի արտահայտվում։ Այլ հարց է, թե այդ ազատ կամքի արտահայտմանն ինչպիսի հետևանքներ կարող են վրա հասած լինել, բանտում գտնվող անձն ինչ իրավիճակում է, որ պատրաստ է այդ հետևանքները կրելով հանդերձ՝ իր ազատ կամքը ներկայացնել հանրությանը։

Ուղերձները վերլուծելիս, ուսումնասիրելիս զգուշավորություն պետք է ցուցաբերել, հասկանալ՝ որն է թելադրված, Բաքվի իշխանությունների կողմից ուղղորդված, թե ազատ կամք, որի առնչությամբ չենք բացառում խոշտանգումներ, պարզապես ուղերձ հղողներն այնպիսի  իրավիճակում են, որ այլընտրանք չունեն, անգամ սպանվելու սպառնալիքներով ստիպված են հղել այդ ուղերձները»։
«Այո, Ադրբեջանում գտնվող բոլոր հայերը քրիստոնյաներ են, հակամարտությունն ավարտված է, բայց ապօրինաբար են պահվում։ Մենք տեսել ենք թիրախավորված գործողություններ կրոնական խորհրդանիշների առնչությամբ, որոնք նաև միջազգային զեկույցներում արձանագրված փաստ են։ Խաչ դաջվածքների պարագայում դրանք այրվել են, մաշկի վրայից խոշտանգման ճանապարհով վերացվել, կամ՝ արգելված է Աստվածաշնչի փոխանցումը, եղել են դեպքեր, երբ հարկադրել են ընթերցել Ղուրան։ Նման փաստերն արդեն իսկ վկայում են, որ քրիստոնյա լինելն ավելի խոցելի է»,- ասաց Ս. Սահակյանը։
--
Մեր կողմից նկատենք, որ փաշինյանական ռեժիմի զնդաններում դեռևս նման կտտանքների չեն դիմում, բայց այստեղի «գեստապոյականների» հոգեթոռնիկներն էլ խոշտանգման իրենց «զինանոցն» ունեն, ադրբեջանաթուրքականից ոչ պակաս: Հա, կարելի է նաև գրեթե չկասկածել, որ Փաշինյանը գոհունակություն է զգում՝ Ալիևից թերևս անմիջականորեն տեղեկանալով ադրբեջանական բանտերում հայերի խոշտանգումների մասին: