Փաշինյանն Արևմուտքին բացի հակառnւuականnւթյnւնից որևէ առաջարկելու բան չունի. Մամիջանյան

«Ամենաահավորն այն է, որ աշխարահաքաղաքական տրամաբանության մեջ Փաշինյանը Արևմուտքին բացի հակառուսականությունից, որևէ առաջարկելու բան չունի»,- դատարանի բակում՝ ի աջակցություն ԲՀԿ առաջնորդ Գագիկ Ծառուկյանի ակցիայի ժամանակ լրագրողների հետ զրույցում ասաց  ՀՀԿ ԳՄ անդամ Հայկ Մամիջանյանը։ 

Նա ընդգծեց, որ դա շատ վատ վերջ է ունենալու։

«Ինձ Փաշինյանի վերջն այդքան չի հետաքրքրում, խնդիրն այն է, որ իր սխալների, դավաճանության համար պատասխան ենք տալու մենք բոլորս»,- ասաց ընդդիմադիր գործիչը։

Հարցին՝ ի վերջո ուր է այսօր գնում Հայաստանը, Հայկ Մամիջանյանը պատասխանեց. «Փաշինյանը հայտարարել է, որ գնում է  ԵՄ։  Գնում է, բա չէ... Դա թողնենք մի կողմ, բայց ԵՄ-ն անվտանգության ստեղծող կառույց չէ, ԵՄ-ն անվտանգության սպառող կառույց է։ ԵՄ-ի անվտանգության երաշխավորը ՆԱՏՕ-ն է, ՆԱՏՕ-ի անդամ ամենամոտ երկիրը Հայաստանին Թուրքիան է, ՆԱՏՕ-ի ամենամեծ բազան Հայաստանին մոտ Թուրքիայում է։

Հիմա եթե լուրջ դեմքով մեկը կանգնի դեմս ու ասի, որ թուրք զինվորականները  արիաբար պաշտպանելու են Հայաստանի պետական շահը, սուվերենությունը, սահմանները, այդ մարդուն կուղղորդեմ մասնագետների մոտ»։

Մանրամասն՝ տեսանյութում։