Ադրբեջանը շարունակում է պատրաստվել հարցը ռազմական ճանապարհով լուծելու սցենարին (Տեսանյութ)

Մարդկային զարգացման միջազգային կենտրոնի նախագահ Թեւան Պողոսյանը գտնում է, որ զարմանալի կլիներ, եթե Ադրբեջանում ընտրությունների նախաշեմին լայնածավալ զորավարժություններ չանցկացվեին: 

Ըստ նրա՝ ադրբեջանական կողմը զենք է գնել, և ինչպես միշտ նոր զենքը զորավարժությունների ժամանակ պետք է ակտիվորեն կիրառի: «Մենք մեր հարևանին չենք փոխելու չէ՞: Պետք է հասկանալ, որ Ադրբեջանը շարունակում է պատրաստվել հարցը ռազմական ճանապարհով լուծելու սցենարին: Մենք մի կողմից խոսում ենք, որ եկեք, ադրբեջանական մամուլի հրապարակումները չտպենք այստեղ, բայց ինքներս չենք ձևավորում այն մեսիջները, որ պիտի հաղորդվի միջազգային հանրությանը»,-նշեց նա:

Հիշեցնենք, որ Ադրբեջանում մարտի 12-17-ը լայնածավալ զորավարժություններ  էն անցկացվում 25.000 զինծառայողի մասնակցությամբ:

Զորավարժություններին մասնակցելու է նաեւ մինչև 250 միավոր տանկ ու այլ զրահատեխնիկա, մինչև 1000 հրթիռահրետանային միավոր, համազարկային կրակի ռեակտիվ համակարգեր և ականանետեր, մինչև 50 ուղղաթիռ և ինքնաթիռ:

Զորավարժությունների ընթացքում տարբեր զորավարժարաններում կանցկացվի մարտական հրաձգություն՝ սպառազինության նոր տեսակների կիրառմամբ, որոնք վերջերս են մտել սպառազինության մեջ:

Զորավարժություններն անցկացվելու են բարդ լեռնային ռելիեֆի և ռադիոէլեկտրոնային պայմաններում: Վարժանքների սցենարով, զինվորականները պետք է հետ մղեն հակառակորդ հարձակումը, այնուհետև լայնամասշտաբ հակահարձակում սկսեն:

Մանրամասները՝ Zham.am-ի տեսանյութում: