Սեպտեմբերի 2-ը Արցախի Անկախության օրն է
Այսօր Նիկոլ Փաշինյանի ու նրա բոլոր ադեպտների համար ատելի, քպ-ականների կողմից դավաճանված և ուրացված, հազարամյակներով հայկական, բայց Փաշինյանի ու Ալիևի համատեղ ջանքերով իսպառ հայաթափված Արցախի Հանրապետության Անկախության օրն է։
1991 թվականի սեպտեմբերի 2-ին Արցախը հռչակեց իր անկախությունը Խորհրդային Միությունից, չերևակայելով, որ դրանից ընդամենը 32 տարի անց ի հայտ է գալու Նիկոլի նման մի Փաշինյան, որը ոչ միայն ատելով ատելու է Արցախը, Արցախի հայությանը, այլև թրքական կապանքներից ազատված ու ազատագրված Արցախը հանձնելու է թուրքին, թուրքի առաջ ուրանալու է Արցախն ու հայտարարելու է, որ այն բեռ էր, թոկ էր հայկական ազգանունով անհայրենիք ստամոքսների բկին, որ Արցախը թակարդ էր ու այլ անհեթեթություններ: Իսկ հանուն փողի ու պաշտոնի խղճները անդամահատած, հայրենիքն ու հավատն ուրացած նյութապաշտների մի խումբ քծնողաբար ծափահարելու է նրան ու փառաբանելու, որ իրենց վերջապե՜ս ազատեց ատելի Արցախից ու «էդ ղարաբաղցիներից»:
Հա, ու պիղատոսաբար, այդ աններելի ոճրագործությանը մեղքը փորձելու են բարդել... հենց արցախցիների, նաև՝ ռուսական խաղաղապահ ուժերի վրա:
Հետաքրքիր է սակայն, որ նման ինտենսիվությամբ ուրիշներին մեղադրող Նիկոլ-քպ-ականները միակն են, որ հպարտանում են Արցախը հանձնելու փաստով, Արցախի կործանումը ներկայացնում են որպես իրենց քաղաքական մեծագույն ձեռքբերում:
Հետևեք մեզ Facebook-ում