Ինչ է նշանակում երկրի ղեկավարն ասի՝ ես հիմա ունեմ այլ երկրի տարածք. Քրիստինե Վարդանյան

«Ինչ տրամաբանությամ եք դուք կանգնում ամենաբարձր ամբիոններից, ամենաբարձր մակարդակով ՀՀ տարածքը, հայկական բնակավայրերն անվանում ադրբեջանական անվանումներով»,-ակնարկելով Նիկոլ Փաշինյանի նախորդ օրվա ելույթը՝ ասաց ԱԺ «Հայաստան» խմբակցության պատգամավոր Քրիստինե Վարդանյանը։

 Ընդդիմադիր պատգամավորը նկատեց, որ եթե ՔՊ-ականները շատ հետ գնան, ապա կգտնեն քարտեզներ, որտեղ Հայաստանը բաժանված է Թուրքիայի և Իրանի միջև և ըստ իշխանության գործելաոճի, կարող են նաև բանակցությունների հիմք այդ քարտեզը բերեն։

«Կարող է մի օր գաք՝ այդ քրատեզը վկայակոչեք։ Հայաստանի գրեթե բոլոր բնակավայրերն ունեն ադրբեջանական անվանումներ եթե այդ տրամաբանությամբ եք հնչեցնում այդ բնակավայրերի ադրբեջաական անունները,  ապա գիտեք չէ թե ինչ են անվանում Երևանին, Սյունիքին»,- ասաց ընդդիմադիր պատգամավորը՝ շարունակելով.

 «Երբ մենք ասում ենք Սահմանադրությունը չէ կոնֆլիկտածին, այլ ՔՊ-ն է կոնֆլիկտածին, սա նկատի ունենք։ Ինչ է նշանակում երկրի ղեկավարն ասի՝ ես հիմա ունեմ այլ երկրի տարածք, եթե այն պատերազմի հրավեր չէ, ի՞նչ է։ Որևէ իրավական հիմք չկա, բայց Ադրբեջանի պահանջը կա... Արցախի վրա վերահսկուղություն սահմանելը Հայաստանի դեմ պահանջների դուռը բացեց»,-ասաց պատգամավորը՝ նկատելով, որ Հայաստանը միշտ տալիս է բայց դիմացը բան չի ստանում։
Աղբյուրը`Panorama.am