«Չորրորդ հանրապետություն» = «Արևմտյան Ադրբեջան»
«Մայր Հայաստան» կուսակցության նախագահ, քաղաքական բանտարկյալ Անդրանիկ Թևանյանը փաշինյանական ռեժիմի բանտից գրում է. «Ալիևը խոսում է Հայաստանի Հանրապետությունը «Արևմտյան Ադրբեջանի» վերածելու մասին և քայլեր ձեռնարկում այդ ուղղությամբ։
Նիկոլ Փ-ն խոսում է 3-րդ հանրապետությունը, այսինքն՝ Հայաստանի Հանրապետությունը, 4-րդ հանրապետության վերածելու մասին և քայլեր ձեռնարկում այդ ուղղությամբ։
Ալիևը Երևանին «Էրիվան» է ասում, Նիկոլ Փ-ն դեռ՝ ոչ։ Այս պահին մեր այլ բնակավայրերի մասով են նույն կերպ արտահայտվում։ Երկուսն էլ այն համոզման են, որ Տիգրանաշենը՝ Քյարքի է։ Երկուսն էլ նույն ուղղությամբ են աշխատում։
Քաղաքացի Նիկոլ Փ-ն այնպիսի էնտուզիազմով ու ադրբեջանական ճիշտ առոգանությամբ է արտասանում տեղանուններն ադրբեջանական տարբերակով, ինչպիսի էնտուզիազմով, որ 2022թ-ի հոկտեմբերի 6-ին Պրահայում արտասանեց՝ «Ղարաբաղը Ադրբեջա՜ն է»։
Պետական դավաճանությունը հենց այսպիսի պոզեր և պոչեր է ունենում»։
Անդրանիկ Թևանյան
«Երևան-Կենտրոն» ՔԿՀ
21.08.2026թ.
Հետևեք մեզ Facebook-ում