Արմավիրի Խանջյան և Հացիկ գյուղերի բնակիչները փակել են ճանապարհը. «Դեղձը չի կարող սպասել մեկ շաբաթ». ՔՊ ընտրելու հետևանքները

Արմավիրի մարզի Խանջյան և Հացիկ գյուղերի բնակիչները փակել են ճանապարհը` բարձրաձայնելով բերքի իրացման հետ կապված խնդիրները։

Նրանք նշեցին՝ բերքը չի կարող սպասել մինչև առկա խնդիրները լուծվեն։

«Դեղձը չի կարող սպասել մեկ շաբաթ»,- ասաց գյուղացիներից մեկը։ 

«Գիտեմ, քեզ թվում է դեղձ չեմ տեսե՞լ»,- գյուղացուն արձագանքեց հանդիպիման եկած Արմավիր համայնքի ղեկավար Վարշամ Սարգսյանը։

«Գյուղացիները մեծ խնդիրներ ունեն»,- ընդգծեց բնակիչներից մեկը։ 

Վարշամ Սարգսյանը նշեց. «Իմ մոտ տպավորություն է, որ ինչ-որ մարդիկ այս բերքի հարցը դարձրել են քաղաքական հարց։ Իրենք փորձում են հասարակ մարդկանց, գյուղացուն, ում գործը գյուղատնտեսությունն է, օգտագործել քաղաքական մխտառ խաղերի մեջ։ Ինձ մոտ այդ տպավորությունն է»։

Գյուղացիները չհամաձայնվեցին նրա հետ։ 

Համայնքի ղեկավարն ասաց, որ մարզպետը չի եկել հանդիպման, քանի որ «դեղձի հարցով հենց հիմա հարց է լուծում»։ 

«Մարզպետն էկոնոմիկայի նախարարի հետ զբաղվում է  այդ հարցով։ Ծրագիր է մշավում՝ մի մասը կարտահանվի, մի մասը չրագործները կտանեն, մի մասն էլ կմթերվի»,- ասաց Վ.Սարգսյանը։ 

Գյուղացիները բողոքեցին, որ արտահանողը էժան է ուզում ձեռք բերել դեղձը։

«Արտահանողը կանգնած է գյուղում, երկու-երեք ֆուր կա գյուղում կանգնած, 100 դրամով է ուզում։ Մենք 100 դրամով տա՞նք իրենց, թափե՞նք ջուրը։ Արտահանողը սպեկուլյացիայով է զբաղած. գալիս է մեզնից 100-ով առնում է, տանում է, սահմանն անցնում, դատարկում, 150 դրամ ավելի աշխատում ու դնում է գրպանը»,- բացատրեց գյուղացին։ 

«Պետությունը սուբիսավորում է 250 դրամ, 100 դրամը տալիս է գյուղացիներին 1 կիլոգրամի հետ։ Արտահանողն այդ 150 դրամով հանում է  իր արկղի ծախսը, աշխատողի գումարը, ֆուրի ճանապարահի ծախսը։ Մեզ տվեք 150 դրամ, 150 դրամ էլ չրանոցը տաը»,- ասաց մեկ այլ գյուղացի։ 

Վ. Սարգսյանը փորձեց համոզել, որ պետությունը ճիշտ քաղաքականություն է  վարում. «Այնպես է անում, որ գյուղացուն արտահանողի հետ աձին-աձին չթողնի»։ 

Գյուղացին ասաց. «Հիմա մենք աձին-աձին ենք այդ արտահանողի հետ։ Կանգնած է, ասում է՝ էս գինը կտաս, տուր, չես տա, մի տուր»։ 

Համայնքի ղեկավարն ասաց, որ մարզպետը հիմա խոշոր չրագործների հետ է հանդիպում։

«Վերջացնի, էկոնոմիկայի նախարարության հետ հարցը քննարկելուց հետո հարցին լուծում կտրվի»,- ասաց Վ.Սարգսյանը։ 

Գյուղացիները նշեցին, որ այդ հանդիպումները որևէ արդյունք չեն տալիս։ 

«Ռեզուլտատ չկա։ Հիմա իմ ապրանքը թափվում է տակը, դրա ռեզուլտատը ո՞րն է»,- զայրացած ասաց գյուղացիներից մեկը։  

Համայնքապետն ասաց, որ ժամը 18։00-ին կրկին կգա գյուղացիների հետ հանդիպման։ 
Աղբյուրներ՝ Panorama.am և News.am
--
Մեր կողմից նկատենք, որ Հացիկ ու Խանջյան գյուղերը համապատասխանաբար՝ 16/21 և 16/20 ընտրատեղամասերն են:
Այդ ընտրատեղամասերում, հունիսի 7-ի ընտրություններում, Հացիկ գյուղում 1881 գրանցված ընտրողից քվեարկության մասնակցել է 1119-ը: 
Նիկոլի ՔՊ-ն ստացել է 620 ձայն: «Հայաստան» դաշինքը՝ 193, «Ուժեղ Հայաստանը»՝ 116, ԲՀԿ-ն՝ 113:
Խանջյան գյուղում 1501-նց քվեարկության մասնակցել են 968-ը: 
Քպ-  545 ձայն: ՈՒՀ - 269, «Հայաստան» դաշինք՝ 69, ԲՀԿ՝ 27:
Այսինքն, այս երկու գյուղերում էլ, մեծամասամբ՝ Նիկոլ Փաշինյան են կամ քպ-ի պաշտամունքի ներկայացուցիչները: 
Այնպես որ, իրենց դեղձն էլ կարող սպասել, մնացած ամեն ինչն էլ, իրենք հիմա փարիզներում դեղձ ու լոլիկ են իրացնում, պարզյապես վրաները «խաբար չկա»: 
Նա ով ընտրում է Նիկոլ Փաշինյան, շատ նման է անեկդոտային «հերոսին«, որ ծառի ճյուղին նստած, կտրում է այդ ճյուղը: 
--