Պարո՛ն Ալեքսանյան, ճի՞շտ եմ հասկանում, որ դուք 3-4 տարեկան հասակում ընկերուհու հետ մտել եք սրճարան և այնտեղ հաստավիզ ախրաննիկներ են եղել. Ֆարմանյանը՝ Ալեքսանյանին

ԱԺ նիստի մեկնարկին ԱԺ նախագահ Ռուբեն Ռուբինյանը վարման կարգով հանդես գալու համար ձայն չտվեց ԱԺ «Ուժեղ Հայաստան» խմբակցության պատգամավոր Էդգար Ղազարյանին։

Վերջինս դահլիճից հիշեցրեց, որ ըստ ԱԺ Կանոնակարգ  օրենքի, գրանցվելուց հետո պատգամավորները կարող են հանդես գալ վարման կարգով. բայց Ռուբեն Ռուբինյանը չպատասխանեց և ելույթի համար ձայն տվեց «Ուժեղ Հայաստան» խմբակցության պատգամավոր Հայկ Ֆարմանյանին։

«Պարոն Ալեքսանյան, ես ձեղ ֆիզիկապես առաջի անգամ տեսել եմ օգոստոսի 2-ին, չեմ ճանաչում բայց մարդուն ճանաչելու համար բավարար է նրա արտաբերած մեկ նախադասությունը, մեկ ժեստը»,- ԱԺ նախագահի տեղակալի թեկնածու ՔՊ-ական Վահագն Ալեքսանյանին դիմեց Ֆարմանյանը։

Ընդդիմադիր պատգամավորն ընդգծեց խոսքի արժեքի գիտակցումը,  պատասխանտվությանզ ցգացումը։

 «Ես սովորաբար կարծիք եմ հայտնում այն ժամանակահատվածի վերաբերյալ, երբ չափահաս եմ եղել»,- ասաց ֆարմանյանը և հիշեցրեց, որ Վահագն Ալեքսանյանը ծնվել է 1993 թվականին և չափահաս է դարձել 2013 թվականին։

 «Երեկ ասում էիք՝ 90-ականների սերունդ եմ, մտնում էինք սրճարան, ընկերուհուս հետ, հաստավիզ ախառննիկներ էին նստած։ Կարող է բառացի չկարողանամ ցիտել ձեզ, էական չէ, բովանդակային առումով ես հասկացա, որ դուք 90-ականների սերունդ եք և ունեք ձևավորված կարծիք»,- ասաց ֆարմանյանը՝ հավելելով.

 «Առհասարակ լավ չի նայում, երբ մարդը եղել է 8 տարեկան և կարծիք է հայտնում Լևոն Տեր-Պետրոսյանի, Ռոբերտ Քոչարյանի, Սերժ Սարգսյանի մասին»,- ասաց Ֆարմանյանը։

 նա նաև նկատեց, որ եթե այսօրվա 4 տարեկան երախան 15 տարի անց կարծիք հայտնի Նիկոլ Փաշինյանի մասին՝ տարօրինակ կթվա։

 «Հիմա ճի՞շտ եմ հասկանում, պարոն Ալեքսանյան, դուք 3-4 տարեկան հասակում (ընկերուհու հետ- խմբ.) մտել եք սրճարան, այնտեղ հաստավիզ ախրաննիկներ են եղել և սեփական պատկերացում եք ձևավորել։ Սա իմ մոտ ձեր մասին որոշակի կարծիք է ձևավորում»,- ասաց ընդդիմադիր պատգամավորը։

Ֆարմանյանը Ալեքսանյանին հորդորեց չհայտարարել, թե ընդդիմությունը ընտրակաշառք են բաժանել՝ նշելով, թե դա նույն է, թե ինքը հայտարարի որ Վահգան Ալեքսանյանը մարդասպան է և դրա վերաբերյալ կեղծ ձայնագրություններ սարքի։

Ընդդիմադիր պատգամավորը հայտարարեց, որ  իշխող ուժը պատասխանատու է նաև տնտեսության համար և նշեց.

 «Հայաստանը չունի ռեսուրս, որ հարաբերություններ վատացնի տնտեսական գործընկերների հետ»։

Հայկ ֆարմանյանը, շեշտելով, որ իր ներկայացրած քաղաքական ուժը հայամետ է, նկատեց, որ քարոզարծավի ժամանակ ի՛խող ուժը 60 հազար ձայն է գողանում, ինչը դրդել  է ՌԴ-ին պատասխան քայլերի։