Որ էդ երեխան գա մորը տեսնի, դրանից արդարադատությունը կտուժի՞. Արթուր Խաչատրյանը՝ Արեգնազ Մանուկյանի մասին

Ձեր մոտեցումը կոմունիստական էլ չի, է, շարիկովություն է. Արթուր Խաչատրյանը՝ ՔՊ-ին

ԱԺ «Հայաստան» խմբակցության քարտուղար Արթուր Խաչատրյանն ուրախ է՝ ՔՊ-ի մոտ զարգացում է տեսնում։

«Մի քաղաքական ուժ, որ ասում է՝ պետությունը վատագույն տնտեսվարն է, այսինքն ընդգծված աջակողմյան ուղղություն ունեցող քաղաքական ուժ էր, այստեղ հանդես է գալիս ընդգծված ձախ դիրքերից. «Վերցրեցինք կառավարումը, հիմա տեսեք՝ իրավիճկան ավելի լավ է, մեր վերցնելուց հետո ՀԷՑ-ն է ավելի լավ աշխատում, «Հայփոստ»-ն է լավ աշխատում; ողջունելի զարգացում է, բայց տիկին Ղազարյան, Դուք ո՞նց եք մնալու Եվրոպայի Լիբերալների  ու ժողովրդավարների այլանսում հիմնավորեք, որ դուք մերժում եք «պետությունը վատագույն տնտեսվարն է» պարադիգման՝ համարելով այն բացառպես կեղծ ու անհիմն։ Թե՞ Արշակ Երկրորդի հակառակ տարբերակն է, հենց հասա Ստրասբուրգի կամ Բրյուսելի հող, հասկացա, որ այստեղ սխալվել են»,-ասաց Խաչատրյանը՝ դիմելով «Քաղաքացիական պայմանագիր» խմբակցության անդամ Թագուհի Ղազարյանին։

Ընդդիմադիր պատգամավորը հորդորեց իշխանության ներկայացուցիչներին եվրոպայի սոցիալիստների մոտ չգնալ, քանի որ նրանց մոտեցումը ոչ թե կոմունիստական է, այլ ավելին՝ շարիկովություն։

«Վերցնել և կիսել, մենք կվերցնենք և ժողովրդի հետ կկիսենք»,-ասաց «Հայաստան» խմբակցության քարտուղարը։

Անդրադառնալով Հայաստանում մարդու իրավունքներին ու կալանավորումներին՝ Արթուր Խաչատրյանն ընդգծեց, որ կալանքն ու դրա հետ ուղեկցված սահմանափակումները մարդկանց տանջելու նպատակ ունեն։

«Արեգնազ Մանուկյանի դուստրն ընդամենը 14 տարեկան է։ Նրան զրկել են մոր հետ տեսնելու հնարավորությունից։ Խափանման միջոցը օգտագործվում է որպես տանջանք, ինչի՞ եք էդ երեխուն տանջում, որ ինքը գա իր մորը տեսնի, դրանից արդարադատությունը կտուժի՞»,-հարցեր հնչեցրեց Խաչատրյանը։

Մանրամասները՝ տեսանյութում։
Աղբյուրը` Panorama.am