Ինչու են աղմկում Գեբելսի հոգեզավակները

Քաղաքագետ Դերենիկ Մալխասյանն անդրադարձել է փաշինյանական քարոզիչների զազրախոսություններին.
«Կարկառուն ՔՊ-ականները գերազանց յուրացրել են նացիստական քարոզչության գլխավոր տեսաբան Յոզեֆ Գեբելսի հայտնի սկզբունքը․ որքան մեծ է սուտը, այնքան մեծ է հավանականությունը, որ մարդիկ կհավատան դրան։

Անդրանիկ Թևանյանի անվան շուրջ ՔՊ-ականները փչում են ոչ թե մեծ, այլ շատ մեծ ստով լցված քարոզչական փուչիկ։ Ալեքսանյան Վահագնը, որպես կարկառուն ՔՊ-շնիկ, այս անգամ էլ ԱԺ ամբիոնից կրկին շահարկել է Անդրանիկ Թևանյանի շինծու քրեական գործը։

Ասել է թե՝ անում է հենց այն, ինչի նպատակով էլ կարվել է այդ, այսպես կոչված, քրեական գործը։ Այն է՝ շինծու գործ սարքել, որպեսզի տարատեսակ ամբիոններից հղում անեն անշնորհք կերպով կարած-կարկատած այդ քրեական գործին և փորձեն վարքաբեկել Անդրանիկ Թևանյանին։

Ես հասկանում եմ Փաշինյան Նիկոլի վախերը Անդրանիկ Թևանյանից, բայց այդ վախերը ԱԺ ամբիոնից Ալեքսանյան Վահագնի բերանով արտահայտելը նրանց չի փրկի քաղաքական գահավիժումից։ Հնարավոր չէ ստով հավերժ մոլորեցնել հանրությանը։

Պետք չէ նվնվալ, թե դատական իշխանությունն անկախ է։ Անկախ դատական համակարգի դեպքում ԲԴԽ նախագահի պաշտոնից մարդկանց ՍՄՍ-ով չեն ազատում, իսկ դատավորներին «պատերի տակ վնգստացող» որակումներ չեն տալիս։ Բացի այդ, կա՞ արդյոք Հայաստանում դատավոր, որը Փաշինյան Նիկոլի ասածը չանի։

Մի քիչ համբերեք․ կա քարեր նետելու ժամանակ, և կա քարեր հավաքելու ժամանակ»։