«Երևանի «Արարատ» կոնյակի-գինու-օղու կոմբինատ»-ը ապօրինի խլվել է Ծառուկյանից ու տրվել է ՀՀ կառավարմանը, այսինքն՝ կորավ աշխատող ընկերությունը

Ինչպես հարստանալ ուրիշի հաշվին: շատ պարզ. ստելով, ճվճվալով փողոցով գալիս ես իշխանության, մտերմիներիդ նշանակում ես պետական պաշտոնների, սեփականատերերի տնօրինակ ձեռնարկությունները հայտարարում ես պետականացրած: Սա՝ տեսականորեն: 
Իսկ իրականության մեջ...

Փաշինյանի շահերն սպասարկող «գլխավոր դատախազությունը» հաղորդում է.  «Ապօրինի ծագում ունեցող գույքի բռնագանձման վարույթի շրջանակում, Գլխավոր դատախազության միջնորդության հիման վրա, «Երևանի «Արարատ» կոնյակի-գինու-օղու կոմբինատ» ԲԲ ընկերության բաժնետոմսերը Հակակոռուպցիոն դատարանի որոշմամբ հանձնվել է Հայաստանի Հանրապետության կառավարմանն ու պահպանմանը»։ Հայտնում են գլխավոր դատախազությունից ու հիշեցնում, որ 2023 թվականի հոկտեմբերի 9-ին Գլխավոր դատախազությունը հայցադիմում էր ներկայացրել Հակակոռուպցիոն դատարան՝ ընդդեմ Գագիկ Կոլյայի Ծառուկյանի և նրան փոխկապակցված անձանց՝ ապօրինի ծագում ունեցող գույքի բռնագանձման պահանջի մասին:

Հայցադիմումով, որպես ապօրինի ծագում ունեցող գույք, ի թիվս այլնի, պահանջվում էր հօգուտ Հայաստանի Հանրապետության բռնագանձել Գագիկ Ծառուկյանին պատկանող՝ «Երևանի «Արարատ» կոնյակի-գինու-օղու կոմբինատ» ԲԲ ընկերության բաժնետոմսերը:

Ապօրինի ծագում ունեցող գույքի բռնագանձման գործի շրջանակում, 2026 թվականի հուլիսի 29-ին Գլխավոր դատախազության կողմից Հակակոռուպցիոն դատարան է ներկայացվել հայցի ապահովման միջոց կիրառելու վերաբերյալ միջնորդություն՝ «Երևանի «Արարատ» կոնյակի-գինու-օղու կոմբինատ» ԲԲ ընկերության բաժնետոմսերի կառավարումն ու պահպանումը Հայաստանի Հանրապետությանը հանձնելու վերաբերյալ:

Դատարանի՝ 2026 թվականի հուլիսի 30-ի որոշմամբ, ներկայացված միջնորդությունը բավարարվել է. «Երևանի «Արարատ» կոնյակի-գինու-օղու կոմբինատ» ընկերության բաժնետոմսերի կառավարումն ու պահպանումը հանձնվել է Հայաստանի Հանրապետությանը՝ ի դեմս Էկոնոմիկայի նախարարության»:

Հարց է ծագում. ինչպե՞ս է նշված գործարանը դարձել «ապօրինի գույք», ի՞նչ ապօրինությամբ է Գագիկ Ծառուկյանը այդ գույքը ձեռք բերել: Այն դեպքում, երբ նշված ձեռնարկությունը սեփականաշնորհվել էր 90-ականներին, իսկ դրանից տարիներ անց Ծառուկյանը ձեռնարկությունը ձեռք է բերել ու, կարելի է ասել՝ վերականգնել: Հիմա, պարլից էլ պարզ է, որ քպ-ական կառավարիչները ձեռնարկության հերը կանխատեսելիորեն կանիծեն: 
Պարզ է նաև, որ այս հակաիրավական վակխանալիայից ու փաշինյանական իշխանությունից ձերբազատվելուց հետո Հայաստանի Հանրապետությունն ստիպված է լինելո՜ւ ահռելի փոխհատուցումներ վճարել Ծառուկյանին ու նրա ժառանգորդներին: 
Հայաստանում կարող են սեփականություն ունենալ բացառապես Նիկոլ Փաշինյանը, նրա ազգականները, ՔՊ-ականները և նրանք, ովքեր Արարահտը համարում են թուրքական, Արցախը՝ ադրբեջանական...
Մնացած բոլորին արգելված է որևէ սեփականություն ունենալ: