Իմ ձեռքերը մաքուր են, խիղճս հանգիստ և պատրաստ եմ հասնելու նրան, որ հերքվեն իմ պատիվն ու արժանապատվությունը արատավորող հայտարարությունները. Լիպարիտ Դրմեյան

«Երեկվա մամուլի ասուլիսում հնչեցված հայտարարություններն իրականությանը չհամապատասխանող էին և պարունակում էին իմ պատիվն ու արժանապատվությունը արատավորող բնույթ»,-ասաց «Միասնության թևեր» կուսակցության անդամ Լիպարիտ Դրմեյանը՝ Երևանի ընդհանուր իրավասության դատարան ներկայացնելով հայց ընդդեմ Նիկոլ Փաշինյանի։

Նա հայտնեց, որ որոշել է իր իրավունքները ՀՀ օերնքով սահմանված կարգով պաշտպանել։

«Հայց եմ ներկայացրել, զրպարտություններ համարվող տեղեկությունները հերքելու պարտավորեցնելու մասին»,-ասաց դրմեյանը, պարզաբանելով, որ խոսքը գնում  է Փաշինյանի բոլոր այն հայտարարություններին, որոնք վերաբերում էին Արբիտրաժային վարույթի շրջանակներում իր պարտականությունները չկատարելուն, շահերի բախումներին՝ հորդորելով հիշել, որ Փաշինյանը նաև Իլիականից և Ոդիսականից մեջբերումներ արեց։

«Մեջբերված փաստերը ոչ միայն իրականությանը չէին համապատասխանում, այլև այնպիսի կոնտեքստում էր արված, որ արատավորում էր իմ պատիվն ու արժանապատվությունը»,-ասաց դրմեյանը՝ հայտնելով, որ դժվար իրավական, օրինական ճանապարհով է հանրությանը համոզելու որ կառավարությունը Փաշինյանը չէ։

«Պատահական ոտքի վրա խոսքեր չեմ ասում, իմ ձեռերը մաքուր են, խիղճս հանգիստ և պատրաստ եմ այդ երկար իրավական ճանապարհով հասնելու նրան, որ հերքվեն այն արտահայտությունները, որոնք արվել են իմ հասցեին, արատավորող բնույթ ունեն և պետք է մեկ ընկալում լինի, որ Հայաստանի հանրապետությունում չի կարող լինել բռնա պետություն, ցավոք այս պահին գնում ենք այդ ճանապարհով»,- ասաց Դրմեյանը և  չբացառեց որ դրամական փոխհատուցում էլ պահանջի։

Լիպարիտ Դրմեյանը նաև հայտարարեց, որ կատարվածը պայմանավորված է իր ընդդիմադիր գործունեության հետ։

Հիշեցնենք, որ այսօր կառավարությունում կազմակերպած ճեպազրույցի ժամանակ Նիկոլ Փաշինյանը, ակնարկելով կառավարության նախկին աշխատակից՝ Միջազգային իրավական հարցերով ներկայացուցչի գրասենյակի նախկին ղեկավար Լիպարիտ Դրմեյանին, հայտարարեց.« Հիշում եք, թե այստեղ ինչ խոսակցություն էր, գնում, թե ՀԷՑ-ի նախկին սեփականատերը Արբիտրաժում հաղթել է։ Պարզվեց, որ այս շենքում իրենք մարդ ունեին, երբ այդ մարդուն այստեղից դուրս հրավիրեցինք... Բա ասում եք «կոռուպցի»,  դա կոռուպցիա չի՞, որևէ մեկը հետաքննե՞լ է այդ մարդու գործունեությունը, նա գրություն էր գրել, այստեղ պարտականություն կատարողը, ինչի հիման վրա աղմուկ էր բարձրացել։ Մեկ ամսից էլ գնաց ու հայտնվեց «եռագլուխ կուսակցության» պոչում...

Քննե՞լ են` սա կոռուպցիա է, թե ոչ։ Հրապարակային հնարավոր հանցագործության մասին հաղորդում եմ տալիս։

Որևէ մեկի անմեղության կանխավարկածը չեմ ուզում խախտել, բայց ես կարծում եմ, որ Կոռուպցիայի կանխարգելման հանձնաժողովը, իրավապահ մարմիններն էլ պետք է քննարկեն»։

Իսկ Լիպարիտ Դրմեյանը ֆեյսբուքում արձագանքել էր՝ ասելով. ««Մի կողմ թողնենք այն, որ ներկայացված փաստերը իրականության հետ ոչ մի աղերս չունեն և դրանք «Կառավարությունը ես եմ»-ը դեռ ստիպված է լինելու հերքել։ Կարճ կասեմ. ես գործել եմ հանուն մեկ սուբյեկտի և այդ մեկ սուբյեկտը Հայաստանի Հանրապետությունն է։ Զավեշտն այն է, որ այս ամենը հետևում է իմ քաղաքական ակտիվությանը։ Ավելին, այս ամենը հետևում է Սահմանադրական դատարանում մեր ներկայացրած փաստարկներին, որոնք ուղղակիորեն ցույց էին տալիս, թե ֆինանսական, ադմինիստրատիվ և ռեպրեսիվ ինչպիսի միջոցներ էին կիրառվել ՔՊ-ի կողմից ընտրությունների ամբողջ ընթացքում։

Իրավունքը և արդարությունը գերակայելու են, իսկ հանրությունը տեսնելու է, որ «Կառավարությունը դու չես»
Աղբյուրը` Panorama.am