ՔՊ-ի «49 տոկոսանոց» Փաշինյանը «գործ տվեց» իրավաբան Լիպարիտ Դրմեյանի դեմ

«Հիշում եք, թե այստեղ ինչ խոսակցություն էր, գնում, թե ՀԷՑ-ի նախկին սեփականատերը Արբիտրաժում հաղթել է։ Պարզվեց, որ այս շենքում իրենք մարդ ունեին, երբ այդ մարդուն այստեղից դուրս հրավիրեցինք... Բա ասում եք «կոռուպցի»,  դա կոռուպցիա չի՞, որևէ մեկը հետաքննե՞լ է այդ մարդու գործունեությունը, նա գրություն էր գրել, այստեղ պարտականություն կատարողը, ինչի հիման վրա աղմուկ էր բարձրացել։ Մեկ ամսից էլ գնաց ու հայտնվեց «եռագլուխ կուսակցության» պոչում»,-կառավարության ճեպազրույցների ժամանակ ասաց Նիկոլ Փաշինյանը՝ ակնարկելով Լիպարիտ Դրմեյանին, ով անդամակցել է «Միասնության թևեր» կուսակցությունը։

Նա ասաց, որ իրավապահ մարմիններին է դիմում. «Քննե՞լ են` սա կոռուպցիա է, թե ոչ։ Հրապարակային հնարավոր հանցագործության մասին հաղորդում եմ տալիս։

Որևէ մեկի անմեղության կանխավարկածը չեմ ուզում խախտել, բայց ես կարծում եմ, որ Կոռուպցիայի կանխարգելման հանձնաժողովը, իրավապահ մարմիններն էլ պետք է քննարկեն»,-ասաց Փաշինյանը։

Նա իրավապահներին ուղղորդեց, որ այդ անձի հաշիվները, ունեցվածքը ստուգեն։

Փաշինյանը կասկած հայտնեց, թե գուցե տվյալ անձը լրատվական ու քաղաքական դաշտին ինֆորմացիա է տվել, կառավարության դիրքորոշմանը, վարչապետի հանձնարարականին հակասող գրություններ գրել, այն մասին թե կառավարությունը պարտվել է արբիտրաժում։
Աղբյուրը` Panorama.am
--
Մեր կողմից նկատենք. երևի մինչև ամբողջ Հայաստանը մի բացօթյա «դախաուի» չվերածվի, ոչ լեգիտիմ Նիկոլ Փաշինյանի ու նրա քաղմերձավորների «հոգին չի փառավորվի», թերևս: 
Լուսանկարում՝ նացիստական համակենտրոնացման ճամբարի կալանավորներ: