Դիանա Գրիգորյանի պատասխանն իրեն քննադատողներին․ «Char u naxanz»

Սցենարիստ, պրոդյուսեր Դիանա Գրիգորյանը խիստ քննադատության է արժանացել Մովսես Խորենացի մեդալով պարգեւատրվելու համար: Նա պարգեւը Սերժ Սարգսյանից ստացել է երեկ՝ մարտի 7-ին,  հեռուստատեսության բնագավառում բարեխիղճ եւ արդյունավետ աշխատանքի համար:

Համացանցում մի շարք օգտատերեր կարծիք են հայտնում, որ նրա նախագծերը  ցածրորակ են, եւ դրանց համար պարգեւ տալ չի կարելի:

Իր հերդին Դիանա Գրիգորյանը անդրադարձել է պարգևատրելուց հետո հանրության կողմից քննադատությանը։

Ուզում եմ շնորհակալ լինել բոլոր այն մարդկանց, ովքեր գնահատեցին տարիներիս աշխատանքը, շնորհակալ եմ Բարձր գնահատանքի համար: Շնորհակալ եմ ընկերներիս, բարի կամեցողներիս, որոնք սրտաբուխ շնորհավորանքներով շարունակում եմ ինձ պարգևատրել, որովհետև նրանցից յուրաքանչյուրի բարի ու անկեղծ խոսքն ինձ համար անգին պարգև է: Իսկ «Char u naxanz» մարդկանց կասեմ հետևյալը…մոռացել եք անգամ, որ այսօր տոն է, որ այսօր պիտի Ձեր մայրերին, քույրերին և կանանց տաք բարություն, ջերմ խոսքեր, փոխարենը Ձեր ներսի մաղձը շպրտում եք մի մարդու վրա, ով նույնպես կին է, մայր և դուստր: Եթե իմանամ, որ Ձեր մեջ կուտակված թույնն, ինձ վրա թափելով կօգնի Ձեզ Ձեր շրջապատի կանանց մի քիչ ավել երջանկացնել և ուշադրության արժանացնել, պատրաստ եմ ինձ վրա կրել Ձեր «ագրեսիան»:

Փ.Ս 1

Մամ ջան, իմ հաղթանակները քոնն են, ես երջանիկ եմ, հպարտ և Աստծուն շնորհակալ, որ ունեմ քեզ, դու իմ հենարանն ես, իմ պաշտպանը, իմ լուսավոր կետը, ինձ թևեր տվողը, շնորհավոր լինի տոնդ:

Փ.Ս 2 Շնորհավորում եմ բոլոր կանանց` մաղթելով առողջություն, սեր և տոկունություն: Ես համոզվել եմ, որ կայացած կանայք դժվարին պահերին անշահախնդիր աջակցում են միմիյանց:

Դիանա Գրիգորյանի ֆեյսբուքյան էջից