Ակնհայտ քաղաքական խուժանություն է. հայ ժողովրդին սպառնացողը գլուխը պատով է տալիս. Աբովյան
«Իշխանությունը դասագրքային քաղաքական հետապնդում է իրականացնում Գագիկ Ծառուկյանի նկատմամբ։ Սա միայն նրա շուրջ ծավալվող գործընթաց չէ, այն վերաբերում է բոլորին, ովքեր այս պահին ասում են, թե քաղաքականությամբ չեն զբաղվում»։ Այս մասին ՊԵԿ-ի քննչականի բակում լրագրողների հետ զրույցում ասաց «Բարգավաճ Հայաստան» կուսակցության անդամ Արման Աբովյանը։
«Երբ բռնապետությունը, դիկտատուրան, «փաշիզմը» մտնում է տուն, մտնելու է բոլորի տուն։ Մի հատ մտածենք՝ տնտեսության հիմնասյուներից մեկը, որը ձևավորել էր Գագիկ Ծառուկյանն իր գործունեությամբ, այսօր փլուզելն ու ոչնչացնելն ում է ձեռ տալիս»,-նշեց Աբովյանը։
Աբովյանի խոսքով, Ծառուկյանի կալանավորումից հետո տարբեր ներդրողներ հրաժարվել են Հայաստան գալ, որոշ գործարարներ էլ այսօր փորձում են տեղափոխել իրենց բիզնեսները։
Հիշեցնենք, որ ԲՀԿ առաջնորդ, գործարար Գագիկ Ծառուկյանը հուլիսի 7-ին երկու ամսով կալանավորեց՝ առանձնապես խոշոր չափերով խարդախություն և փողերի լվացում կատարելու մեղադրանքով: Փաստաբաններն անհիմն են որակում մեղադրանքը:
Հետևեք մեզ Facebook-ում