Իսպանիայի հավաքականը՝ ֆուտբոլի 2026 թվականի աշխարհի առաջնության չեմպիոն

ԱՄՆ-ում` Նյու Յորքի Նյու Ջերսի մարզադաշտում տեղի ունեցավ ֆուտբոլի 2026 թվականի Աշխարհի առաջնության եզրափակիչը։ Աշխարհի չեմպոնի կոչմանն արժանացավ Իսպանիայի ազգային հավաքականը։

Իսպանիա-Արգենտինա հանդիպումն ավարտվեց 1։0 հաշվով։ 

Երկու խաղակեսերում որևէ գոլ չգրանցվեց։ Լրացուցիչ ժամանակում՝  106-րդ րոպեին, Ֆերան Տորեսի գոլը Իսպանիային դարձրեց աշխարհի չեմպիոն։ 

Իսպանիայի հավաքականը պատմության մեջ երկրորդ անգամ դարձավ աշխարհի չեմպիոն։
Իսպանական հավաքականի խփած ևս երկու գոլ չեղարկվեց, մեկը՝ նախքան գոլային հարվածը կանոնների խախտում թույլ տալու հիմնավորմամբ, երկրորդը՝ գրեթե աննշան «խաղից դուրս» վիճակի պատճառով: Ի դեպ, այս վերջինը առաջին գոլից հետո և հեղինակն էլ նույն Տորեսն էր: 
Ինչ վերաբերում է Արգենտինային, ապա աշխարհի արդեն նախկին չեմպիոնները գրեթե ամբողջ հանդիպման ընթացքում չկարողացան որևէ ռեալ վտանգավոր հարված կատարել Իսպանիայի դարպասին, աչքի ընկան «կեղտոտ» խաղով՝ փորձելով վնասվածքներ հասցնել մրցակցի աչքի ընկնող ֆուտբոլիստներին: Ինչի համար, որքան էլ զարմանալի է, միայն 1 անգամ մրցավարը կարմիր քարտ ցույց տվեց (երկու դեղինի համարդությամբ) արգենտինացիներին: 
Ավելին, հանդիպման ավարտից հետո, արգենտինացի ֆուտբոլիստներից մի քանիսը հարձակվեցին իսպանացիների վրա, հրահրելով քաշքշուկներ: 
Աչքի ընկավ նաև ԱՄՆ նախագահ Թրամփը, ով Աշխարհի գավաթը հաղթողներին հանձնելուց հետո, շարունակեց «մնալ կադրի մեջ»: 
Ինչևէ, Իսպանիան հաղթեց և երկրորդ անգամ նվաճեց աշխարհի չեմպիոնի տիտղոսը՝ կրկնելով յուրօրինակ «դուբլը», քանի որ նաև Եվրոպայի գործող չեմպիոնն է: