Մահացել է Քիմ Քարդաշյանի տատիկը. Քարդաշյանի և մոր հուզիչ գրառումները

91 տարեկան հասակում մահացել է հայնտի հեռուստաաստղ, գործարար, մոդել Քիմ Քարդաշյանի տատիկը՝ Մերի Ջո Քեմփբելը։ Ինստագրամի իր էջում  այդ մասին հայտնել է «Քարդաշյանների ընտանիքը» ռեալիթի շոուի աստղ Քրիս Ջենները։

«Այսօր մենք հրաժեշտ տվեցինք իմ գեղեցկուհի մայրիկ ՄՋեյին։ Չկան բառեր, որոնք կարող են արտահայտել թե ով էր նա մեզ համար, կամ նկարագրելու մեր կոտրված սրտերը, երբ ստիպված ենք հրաժեշտ տալ նրան»,- գրել է Ջենները։

Քրիս Ջենները նաև շնորհակալություն է հայտնել մորը՝ իր կատարած բոլոր զոհաբերությունների և անվերապահ սիրո համար։

«Մայրիկ, շնորհակալ եմ քո կատարած յուրաքանչյուր զոհաբերության, կիսած յուրաքանչյուր իմաստության և մեզ այդքան անսահման սիրելու յուրաքանչյուր պահի համար։ Ես կկարոտեմ մեր ամենօրյա զրույցները, քո ժպիտը, քո ծիծաղը… Մեր սրտերը կոտրված են, բայց մենք մխիթարություն ենք գտնում՝ իմանալով, որ քո սերը կապրի մեր ընտանիքում, մեր ավանդույթներում, միասին անցկացրած յուրաքանչյուր պահին»,- գրել է նա։

Ջենների խոսքով՝ մոր թողած ժառանգությունը շարունակելու է ապրել ընտանիքի յուրաքանչյուր անդամի հոգում։

«Երբ նայեմ իմ երեխաներին ու թոռներին, միշտ կտեսնեմ քո մասնիկը բոլորիս մեջ։ Յուրաքանչյուր հիշողություն, յուրաքանչյուր պահ, յուրաքանչյուր օրհնություն, այդ ամենը քո շնորհիվ էր, և ես հավիտյան շնորհակալ կլինեմ Աստծուն՝ ամեն օր, որ քեզ իմ մայրիկն է դարձրել Իմ սիրտը կոտրված է միլիոնավոր կտորների… Շնորհակալություն, որ ինձ նվիրեցիր հրաշալի մանկություն և ինչ գեղեցիկ օրհնյալ կյանք… Ես քեզ հավերժ սիրում եմ, մայրիկ։ Շնորհակալություն, որ մեզ ամեն ինչ տվեցիր»,- ընդգծել է նա։

Տատիկի մահվանն անդրադարձել է նաև հեռուստաաստղ Քիմ Քարդաշյանը՝ հրապարակելով արխիվային լուսանկարներ։

Նա գրել է. «Իմ սիրելի տատիկ MJ, իմ լավագույն ընկերուհին, իմ բամբասկոտ ընկերուհին, իմ հավերժական երկվորյակը... Դուք մեզ սովորեցրեցիք ընտանիքի կարևորությունը, հավատացիք ինձ, պաշտպանեցիք ինձ և միշտ եղաք իմ անվտանգ վայրը։ Ես ձեզ շատ-շատ եմ սիրում և կկարոտեմ ձեզ հավիտյանս հավիտենից։ Ես գիտեմ, որ Դուք հիմա երկնքում եք,  նայում եք մեր ինստագրամյան բոլոր գրառումները Ձեր գաղտնի ինստա էջով, որը միշտ օգտագործում  էիք»։

Նա տատիկի միջոցով բարևներ է փոխանցել իր հայրիկին, մորաքրոջն ու պապիկին։
Աղբյուր՝ Panorama.am