Ծառուկյանի ձիերը չեն առգրավվի․ ՔԿ–ն պնդում է՝ ընդամենը զննություն է իրականացվել

Քննչական կոմիտեում, միգուցե հասկանալով իրենց՝ մարդկանց վնասելու գործողությունների հետևանքներն ու հատկապես՝ հանրային դժգոհությունը (նրանց ինչ ասես չեն ասում միայն առաջին էշելոնի քպ-ականները), որոշել է հերքել տեղեկությունը, թե քննիչները պատրաստվում են «Բարգավաճ Հայաստան» կուսակցության առաջնորդ Գագիկ Ծառուկյանի առանձնատնից առգրավել նրա ձիերին։

«Ընդամենն իրականացվել է ձիերի զննություն, ձիերի՝ տեղափոխելու հետ կապված տեղեկատվությունն իրականությանը չի համապատասխանու»,–NEWS.am–ին հայտնեց ՔԿ խոսնակ Կիմա Ավդալյանը։

Նշենք, որ ավելի վաղ փաստաբան Հովհաննես Վարդանյանը լրագրողների հետ զրույցում նշել էր, որ իրենց համար անհասկանալի պատճառներով ձիերի  առգրավումը հետաձգվել է։

«Առգրավման որոշումը դեռ հուլիսի 10 ին է կայացվել, տեխնիկական խնդիրներ էին առաջացել տեղափոխման հետ կապված։ Այնուհետև այսօր պետք է առգրավեին, բայց մեզ համար անհասկանալի պայմաններում դեռևս դա չի արվում ու չգիտենք՝ ինչու։ Մենք այժմ բողոքարկում ենք դատավարական կարգով քննիչի կայացրած որոշումը, քանի որ դրանք համարվում են ընտանի կենդանիներ և որևէ քրեական վարույթի առարկա չեն կարող հանդիսանալ»,- լրագրողներին ասել էր փաստաբանը։
--
Մեր կողմից նկատենք. քննչական կոմիտեում, պարզվում է, նաև ձիասեր-էսթետներ են, ընդամենը զննություն էին ուզում անել: Հարց. ի՞նչ նպատակով: Եթե «գործի» շրջանակներում, ապա իսկապես ինչ-որ առգրավումային կամ նման գործողություն նախատեսո՞ւմ էին: Իսկ եթե՝ ոչ, ապա ի՞նչն էին զննում: Ստուգում էին, թե ի՞նչ պայմաններում են Ծառուկյանի սեփական նժույգները պահվե՞լ: Զննում էին, որ ի՞նչ անեն, մի հատ էլ «գործ» սարքեն Ծառուկյանի վրա, թե իբր կենդանիներին վա՞տ է վերաբերվել (լրիվ անհավատալի բան, էլի):