Քաղաքական դրդապատճառներով հետապնդվող անձանց իրավունքների հարցերով հանձնաժողովի մամուլի ասուլիսը (ուղիղ)

Լարիսա Ալավերդյան, առաջին ՀՀ մարդու իրավունքների պաշտպան, ԱԺ 4-րդ

գումարման պատգամավոր

Ձյունիկ Աղաջանյան, ՀՀ արտակարգ եւ լիազոր դեսպան

Մայա Բարխուդարյան, քաղաքագետ, իրավապաշտպան

Երվանդ Բոզոյան, քաղաքագետ, ֆիզմաթ գիտությունների թեկնածու

Ստեփան Դանիելյան, քաղաքագետ

Հովհաննես Իշխանյան, իրավապաշտպան

Աննա Մկրտչյան, ՀՀ ԱԺ 8-րդ գումարման պատգամավոր, իրավաբանական

գիտությունների թեկնածու

Զարուհի Փոստանջյան, ՀՀ ԱԺ 4-րդ եւ 5-րդ գումարման պատգամավոր, փաստաբան

Էլինար Վարդանյան, ՀՀ ԱԺ 5-րդ եւ 8-րդ գումարման պատգամավոր, Այլընտրանքային

Նախագծեր խմբի անդամ

Սերգեյ Սարգսյան, փաստաբան

Մարիամ Չախոյան, «Թուխմանուկ» ՀԿ նախագահ

 

Անակխության վերականգնումից հետո Հայաստանի Հանրապետությունը ստանձնեց ժողովրդավարական սկզբունքների ու իրավունքի գերակայության վրա հիմնված պետության կառուցման հանձնառությունը: Անցած տասնամյակների ընթացքում էական ջանքեր են գործադրվել երկրում մարդու իրավունքների պաշտպանության խնդիրները կառուցակարգային հենքի վրա դնելու, անհրաժեշտ գործիքակազմեր ստեղծելու և դրանց անկախությունն ու անկողմնակալությունն ապահովելու համար: Այս գործում իրենց անբեկանելի դերն են ունեցել հասարակական կազմակերպությունները:

Ցավալիորեն, 2018թ.-ի իշխանափոխությունն իր ճշգրտումները մտցրեց դժվարությամբ ձեռք բերված առաջընթացի առումով:
Չնայած խոստումներին, ձեռնարկվեցին դատական համակարգի ենթակայեցմանը, իրավական համակարգի՝ իշխանության կողմից կառավարելիության մեծացմանն, ազատ խոսքի ճնշմանն ու այլախոհության հետապնդմանը, ընդդիմության հալածմանն ուղղված քայլեր, որոնք ժամանակի ընթացքում աննախադեպ չափերի ու ծավալների հասան: Նախկինում ակտիվ իրավապաշտպան կազմակերպություններն, իրենց մեծամասնության մեջ, կամ լրացրեցին իշխանության սպասավորների շարքերը, կամ անգոյություն գրանցեցին՝ ամլացնելով նախկինում ձևավորված ու անսասան թվացող մարդու իրավունքների պաշտպանների դաշտը, դրանով իսկ ազատելով իշխանությունների ձեռքերը բռնաճնշումների համար:

• անկախությունը,

• վերկուսակցականությունը,

• ազնվությունն ու անկաշառությունը,

• ներառականությունը,

• մասնագիտական և փաստահեն մոտեցումը,

• իրավունքի գերակայությունը,

• մարդու իրավունքների նկատմամբ հարգանքը և համընդհանուր պաշտպանությունը,

• խտրականության բացառումը,

• քաղաքական հայացքներից անկախ հավասար վերաբերմունքը։

Հանձնաժողովի նպատակներն են՝

• Իրականացնել քաղաքական դրդապատճառներով հետապնդվող անձանց իրավունքների վերաբերյալ հանրային իրազեկում, արձանգրված դեպքերի փաստագրում, դրանց իրավական և հանրային գնահատում, ինչպես նաև Հայաստանում քաղաքական իրավունքների պաշտպանության առումով մշտադիտարկում:

• Նպաստել ՀՀ-ում օրենսդրական այնպիսի մեխանիզմների ներդրմանն ու մշակույթի ամրապնդմանը, որոնց առկայության դեպքում քաղաքական դրդապատճառներով հետապնդումներին կտրվեն համարժեք պատասխաններ՝ դրանով իսկ զսպող դեր խաղալով ՀՀ-ում նման գործելաոճի խորացմանն ու տարածմանը։

• Օգտագործելով ՀՀ հանձնառությունները միջազգային կառույցների շրջանակներում և դրանց ընձեռած վերահսկողական հնարավորությունները, որոշակիորեն կանխել իշխանությունների կողմից բռնապետական համակարգի ձևավորումը և զսպել բռնաճնշումների մակարդակը:

Հանձնաժողովի հիմնական խնդիրներն են՝

• Քաղաքական դրդապատճառներով հետապնդումների դեպքերի փաստագրումը,

իրավական գնահատականների մշակումը, հանրայնացումը,

• հանրային իրազեկման և փաստահավաք գործունեության իրականացումը,

• պարբերական զեկույցների և հայտարարությունների հրապարակումը,

• քաղաքական դրդապատճառներով հետապնդումները բացառող մեխանիզմների ապահովման նպատակով օրենսդրական բարեփոխումների վերաբերյալ առաջարկների մշակումը, ներկայացումը և դրանց առաջմղումը,

• սահմանված նպատակներին հասնելու համար համագործակցության հաստատումը տեղական և միջազգային կազմակերպությունների, կառույցների և գործընկերների հետ։